अब जिमेल, म्याप्स, युट्युब जस्ता एपको काम गुगल बार्डमै गर्न सकिने
असोज ३, २०८० १६:३७
काठमाडौं । प्रभावकारी नतिजा दिन गुगलले आफ्नो जेनेरेटिभ एआई प्लेटफर्म बार्डमा अपेडेट जारी गरेको छ । जिमेल, म्याप्स, युट्युब जस्ता गुगल सर्भिसमा बार्डलाई लिङ्क गर्दै गुगलले नयाँ अपडेट ल्याएको हो ।
ओपनएआईको च्याटजीपीटीसँग प्रतिस्पर्धा गर्न च्याटमा आधारित बार्ड सार्वजनिक गरेको गुगलले नयाँ अपडेटलाई ‘बार्ड एक्सटेन्सन’ नाम दिएको छ ।
गुगल फ्लाइट, गुगल होटल, गुगल म्याप्स, गुगल वर्कस्पेस, युट्युबजस्ता आफ्ना अन्य विभिन्न प्लेटफर्महरूलाई गुगलले नयाँ अपडेट मार्फत बार्डमा जोडेको छ
यससँगै जिमेलमा आएको मेलको सारांश लेख्ने, यात्राको योजना बनाउने, वर्कस्पेसमा भएका डकुमेन्टहरूको सारांश लेख्ने जस्ता काम प्रयोगकर्ताले बार्डमा नै गर्न सक्नेछन् ।
यो अपडेटले बार्डलाई ‘सबैभन्दा सक्षम’ भर्सन बनाएको दाबी गर्दै गुगलले यसबाट अन्य एपको पनि अनुभव गर्न पाइने जनाएको छ । त्यस्तै यो अपडेटसँगै प्रयोकर्ताको गोपनीयतालाई पनि बार्डमा उत्तिकै प्राथमिकता दिएको गुगलको भनाइ छ ।
नयाँ अपेडटको अनुभव पाउन प्रयोगकर्ता स्वयं आफैंले गुगललाई ‘पर्मिसन’ दिनुपर्ने हुन्छ । यस अगाडिको अपडेटहरूमा गुगलले बार्डमा हिन्दी सहित ४० भाषामा बोलेरै कुराकानी गर्न सकिने र तस्वीर मार्फत प्रश्न सोध्न सकिने फिचर ल्याएको थियो ।
सम्बन्धित समाचार
आफ्नो अन्य विभिन्न प्लेटफर्महरूलाई बार्डमा गुगलले यसमा बार्डमा
गुगल बार्डमा नयाँ अपडेट, हिन्दी सहित ४० भाषामा बोलेरै कुराकानी गर्न सकिने
नेपालमा गुगलको एआई च्याटबट ‘बार्ड’ उपलब्ध, यसरी गर्नुहोस् प्रयोग
पछिल्लो अध्यावधिक: असोज ३, २०८० १६:३७
