इन्जिन गाडी लिँदा सित्तैमा ४ वर्ष पेट्रोल दिने सिट्रोनले चाडबाडमा ईभी किन्नेलाई के दिन्छ ?

काठमाडौं । नेपालका लागि सिट्रोन ब्रान्डको आधिकारिक वितरक सांग्रिला मोटर्सले चाडबाड विशेष अफर सार्वजनिक गरेको छ । कम्पनीले चाडबाडको समयमा आफ्नो विद्युतीय गाडी ईसी ३ खरिद गर्ने ग्राहकलाई लक्षित गर्दै यस्तो अफर ल्याएको हो ।

अफर अन्तर्गत चाडबाड विशेष छुटका साथै निःशुल्क बीमा, एक वर्षको सडक कर छुट र बजेट पहिलेकै मूल्यमा खरिद गर्न पाउने लगायतका सुविधा राखिएका छन् । ३५ लाख ९९ हजार रुपैयाँमा उपलब्ध सिट्रोन ईसी ३ साइनमा ग्राहकलाई उत्साहजनक ड्राइभिङ अनुभव प्राप्त गर्न सक्छन् ।

उता इन्जिन गाडी सिट्रोन सी ३ खरिद गर्ने ग्राहकलाई भने कम्पनीले चार वर्ष पेट्रोल र ४ वर्षकै सर्भिस निःशुल्क दिनुका साथै एक वर्षको बीमा र सडक दस्तुर समेत छुट दिने अफर ल्याएको छ ।  

सन् १९१९ मा स्थापना भएको सिट्रोनले अटोमोबाइल्स, प्रविधि र आवतजावतका साधनहरूमार्फत बजारमा आफ्नो उपस्थिति जनाउँदै आएको छ । कम्पनीले ईभीदेखि सेडान, एसयूभी, कमर्सियल जस्ता विभिन्न विकल्पमा गाडीहरू ल्याएको छ ।

विशेषगरी सिट्रोनका ईभी र प्लग इन हाइब्रिड पावरट्रेन सहितका गाडीहरू बढी लोकप्रिय छन् । यो कम्पनीले विश्वका १०१ देशमा छ हजार २०० विक्री एवम् सर्भिस सेन्टरको नेटवर्क स्थापना गरेको छ ।

पछिल्लो अध्यावधिक: भदौ २४, २०८१ ११:३७

टिप्पणीहरू