विद्युतीय र वैकल्पिक ऊर्जाबाट चल्ने सवारीका लागि नयाँ सर्भिस सेन्टर सञ्चालनमा
भदौ २६, २०८१ ९:२६
काठमाडौं । लक्ष्मी ग्रुपको अटोमोटिभ डिभिजनले विद्युतीय र वैकल्पिक ऊर्जाबाट चल्ने सवारीसाधनका लागि तीनकुनेमा नयाँ सर्भिस सेन्टर सञ्चालनमा ल्याएको छ । विद्युतीय सवारी साधनहरूको माग बढ्दै गएको सन्दर्भमा ग्राहकको विविध आवश्यकता पूरा गर्न कम्पनीले यो सर्भिस सेन्टर सञ्चालनमा ल्याएको हो ।
सर्भिस सेन्टरमा हाइ भोल्टेज ब्याट्री चेकजाँच उपकरण, हाइ भोल्टेज ब्याट्री ब्यालेन्सर, लिफ्टिङ ट्रली र हाइ भोल्टेज इन्सुलेटेड टुलहरू प्रयोग गरिनेछ ।
सर्भिस सेन्टरमा ईभी चार्जिङ पोइन्ट, पर्याप्त पार्किङ सुविधा र ६ ओटा गाडीलाई एकैपटक सर्भिस गर्न सकिने अत्याधुनिक सर्भिस बे (service bay)हरूको समेत व्यवस्था गरिएको कम्पनीले जनाएको छ ।
पछिल्लो अध्यावधिक: भदौ २६, २०८१ ११:३२
