अरेन्जएनएक्सटीसँग मिलेर आन्तरिक हवाई टिकेटमा ५०० रुपैयाँ क्याशब्याक दिँदै फोनपे
असोज ९, २०८१ ९:४१
काठमाडौं । यात्रुहरूले आन्तरिक उडानको टिकेट खरिदमा ५०० रुपैयाँ क्याशब्याक पाउन सक्ने भएका छन् । अरेन्जएनएक्सटी र फोनपेको सहकार्यमा आकर्षक क्याशब्याक अफर ल्याइएको हो ।
अरेन्जएनएक्सटी एपबाट आन्तरिक हवाई टिकेट खरिद गर्दा एक पल्टका लागि मात्रै यस्तो क्याशब्याक पाउन सकिनेछ । जसले हवाई यात्रालाई थप सर्वसुलभ बनाउने विश्वास कम्पनीले व्यक्त गरेको छ ।
३ असोजदेखि सुरु भएको यो अफर २४ कात्तिकसम्म लागु हुनेछ । जसका लागि टिकेट बुकिङका क्रममा FLY500 कोड प्रयोग गर्नुपर्ने हुन्छ । यसरी टिकेट खरिद गरेको १५ मिनेटमै क्याशब्याक ग्राहकको खातामा जम्मा हुने कम्पनीको भनाई छ ।
यस बाहेक दुई कम्पनीबिचको सहकार्यबाट ग्राहकहरू लक्की ड्र तथा अन्य क्याशब्याकमा समेत सामेल हुन सक्नेछन् । जस अन्तर्गत एक वर्षका लागि एक जनालाई निःशुल्क हवाई टिकेट, प्रत्येक हप्ता पाँच जना विजेतालाई स्मार्टवाच गिभअवे र YATRA2081 कोड प्रयोग गर्दा नयाँ प्रयोगकर्तालाई ३०० क्याशब्याक र विद्यमान प्रयोगकर्तालाई २०० क्याशब्याक उपलब्ध हुनेछ ।
अरेन्जएनएक्सटी लक्ष्मी सनराइज बैंकको एउटा डिजिटल बैंकिङ एप हो । यो एपमा जोसुकैले फोनबाट पाँच मिनेटमै आफ्नो अकाउन्ट खोल्न र केवाईसी पुरा गर्न सक्छन् ।
जसमा शून्य वार्षिक शुल्क, उच्चतम ब्याजदर, सेभ एज यु पे फिचर, गोल बेस्ड डिपोजिट, अटोमेटिक एक्सपेन्स ट्रयाकर र किड्स सेभिङ जसना सुविधाहरू पाउन सकिन्छ ।
पछिल्लो अध्यावधिक: असोज ९, २०८१ ९:४१
