close

प्रविधिमा रुचि राख्नुहुन्छ ? युट्यबमा हेर्नुहोस् यी उत्कृष्ट डकुमेन्ट्री (भिडिओ लिङ्कसहित)

टेकपाना टेकपाना

असोज ३०, २०८१ ९:२०

प्रविधिमा रुचि राख्नुहुन्छ ? युट्यबमा हेर्नुहोस् यी उत्कृष्ट डकुमेन्ट्री (भिडिओ लिङ्कसहित)

काठमाडौं । धेरै जनाले स:शुल्क स्ट्रिमिङ सर्भिस प्लेटफर्ममा मात्र राम्रो कन्टेन्ट आउँछ भनेर सोच्ने गर्छन् । तर सधैं अवस्थामा त्यस्तो हुँदैन । कन्टेन्ट नै हेर्न युट्युब नि:शुल्क छ । खोज्न र राम्रो च्यानल फेला पार्न सके युट्युबमा नै गज्जबका कन्टेन्ट छन् ।

हामी मनोरञ्जन लिन चलचित्र हेरे झैं अलि   उपयोगी कन्टेन्टका लागि डकुमेन्ट्री हेर्ने गर्छौं । युट्युबमा सोही प्रकारका धेरै डकुमेन्ट्रीहरू छन् । ती सबैलाई तपाईंले निःशुल्क हेर्न सक्नुहुन्छ । आज हामी केही राम्रा डकुमेन्ट्रीबारे चर्चा गर्ने छौं । जसलाई तपाईंले यसपालीको दशैं-तिहारमा नि:शुल्क हेर्न सक्नुहुन्छ ।

तल नेपाली वर्णानुक्रम अनुसार सात ओटा डकुमेन्ट्रीको चर्चा गरिएको छ:

आवर प्लानेट (२०१९) 

अहिलेको द्रुत गतिको विकासले हामीलाई कहाँबाट कहाँ पुर्‍याइसकेको छ । त्यसबिचमा हामीले लिने स्रोत साधन पृथ्वीबाट नै हो । 

तर विकासको नाममा कतिपयले हाम्रो पृथ्वीको बिर्सिसकेका हुन्छन् । अधिक दोहन गरेर मै मात्र गरुँ भन्ने सोच राख्छन् । यसले हामीलाई केही समयका लागि राम्रो नजिता दिएता पनि लामो समयमा घाटा नै गर्छ । 

एक पटक कम्प्युटर स्क्रिन र इन्टरनेटको जालोभन्दा बाहिर निस्केर यस डकुमेन्ट्रीले पृथ्वी बुझ्न सहयोग गर्छ । 

यस डकुमेन्ट्री युट्युबमा  हेर्न यहाँ क्लिक गर्नुहोस् ।

शेन्जेन: द सिलिकन भ्याली अफ हार्डवेयर (2016)

यस डकुमेन्ट्रीमा तपाईंले चीनको व्यस्त हर शेन्जेनको कथा देख्न सक्नुहुन्छ । शेन्जेनलाई ‘हार्डवेयरको सिलिकन भ्याली’को उपनाम दिइएको छ। 

हुन पनि हो, स्मार्टफोन, ट्याब्लेट, टिभीहरू जस्ता विभिन्न इलेक्ट्रोनिक्स बनाउने कम्पनीहरूको केन्द्र बनेको छ शेन्जेन । यो त्यस्तो सहर पनि हो, जहाँ पछिल्लो र उत्कृष्ट स्मार्टफोनहरूको नक्कल गरेर ठूलो मात्रामा निर्माण र बिक्री गरिन्छ । 

प्रविधिमा रुचि राख्नेहरूका लागि यो युट्युब डकुमेन्ट्री हेर्नै पर्ने खालको छ । यस डकुमेन्ट्री युट्युबमा  हेर्न यहाँ क्लिक गर्नुहोस् ।  

द इन्टरनेट्स वोन वाय: द स्टोरी अफ एरोन स्वार्ट्ज (२०१४)

यदि तपाईं प्रविधिमा रुचि राख्नुहुन्छ भने एरोन स्वार्ट्जको नाम सुन्नु भएको अथवा उनलाई चिन्नुभएको हुन सक्छ । उनी एक प्रोग्रामर हुन् । 

उनले आरएसएस वेब फिडको विकास गर्न महत्त्वपूर्ण भूमिका खेलेका छन् । उनी रेडिटका सहसंस्थापक पनि हुन् । त्यस्तै इन्टरनेट अधिकारका लागि लड्ने सक्रिय अभियन्ता पनि । 

यसले गर्दा उनले जीवनमा दुःखद पलहरू पनि अनुभव गर्नु परेको थियो । यस डकुमेन्ट्रीमा उनै एरोन स्वार्ट्जको जीवनी चित्रण गरिएको छ ।

यस डकुमेन्ट्री युट्युबमा हेर्न यहाँ क्लिक गर्नुहोस् ।

होली ल्यान्ड: स्टार्टअप नेसन (२०१७)

इजरायललाई ‘स्टार्टअप नेसन’ भनेर चिनिन्छ । किनकि यहाँ सबैभन्दा बढी स्टार्टअप र भेन्चर क्यापिटालिस्ट रहेका छन् । यस डकुमेन्ट्रीले इजरायलमा फस्टाइरहेको स्टार्टअप कल्चर, प्रविधि र नवप्रवर्तनको विकास जस्ता कुराबारे राम्रो कभर गरेको छ । यसका लागि देशका विभिन्न सहरहरूमा दृश्य खिचिएको छ । प्रविधिमा रुचि राख्नेहरूका लागि यो अवश्य हेर्नुपर्ने डकुमेन्ट्री हो ।

यस डकुमेन्ट्री युट्युबमा हेर्न यहाँ क्लिक गर्नुहोस् । 

लाइफ इन अ डे (२०११)

युट्युबमा पाइने उत्कृष्ट डकुमेन्ट्रीमध्ये एक हो, लाइफ इन अ डे । यो डकुमेन्ट्री भविष्यका पुस्ताहरूका लागि तयार गरिएको हो, यसकारण पनि यो अत्यन्त विशेष छ । यसमा २४ जुलाई २०१० मा को जीवन कस्तो थियो, त्यस दिन केके गरियो भन्ने कुरा देख्न सक्छन् । यसका लागि युट्युबमा अपलोड भएका भिडिओहरू नै प्रयोग गरेर डकुमेन्ट्री बनाइएको थियो । विभिन्न व्यक्तिहरूको दैनिक जीवन र यससँगै आउने चुनौतीहरू यसमा देख्न सकिन्छ । यस डकुमेन्ट्री युट्युबमा हेर्न यहाँ क्लिक गर्नुहोस् ।

विथ ग्रेट पावर: द  स्ट्यान ली स्टोरी (२०१०)

स्पाइडर म्यान, एक्स म्यान, आइरन म्यान, एन्ट म्यान, थोर, हल्क । यी सबै पात्र तपाईंले कतै न कतै सुन्नु भएकै होला । अथवा यिनको फिल्म नै हेर्नु भएको होला । हो, यी सबै सुपरहिरो जन्माउने मनुवा हुन्,  स्ट्यान ली । 

यसकारण पनि मार्भलका प्रशंसकले यो डकुमेन्ट्री छुटाउनु हुन्छ । त्यस्ता बिर्सनै नसक्ने गरी त्यत्रा पात्रहरू लीले कसरी सिर्जना गरे ? उनले ती सबै काम कसरी गरे ? यी सबैबारे तपाईंले यो डकुमेन्ट्री हेरेर थाहा पाउन सक्नुहुन्छ ।

यस डकुमेन्ट्री युट्युबमा  हेर्न यहाँ क्लिक गर्नुहोस् । 

वियोन्ड दी स्पटलाइट (२०२०)

युट्युबर बन्न चाहनुहुन्छ ? मिस्टर बिस्टको नाम त सुन्नु भएकै होला । युट्युबमा अहिले उनले तहल्का पिटेका छन् । उनै मिस्टरको यात्राबारे यस डकुमेन्ट्रीमा देखाइएको छ । यस क्षेत्रमा सफल करियर बनाउन के आवश्यक छ भन्ने कुरा तपाईंले यहाँबाट सिक्न सक्नुहुन्छ । सायद धेरैले उनलाई धनाढ्य, धनाढ्यको छोरो भनेर चिन्लान् । तर वास्तविकता त्यो भन्दा निकै फरक छ । उनका साथी र परिवारसँगको अन्तर्वार्ताबाट तपाईंले मिस्टर बिस्टको वास्तविक व्यक्तित्व र कडा परिश्रमको कथा थाहा पाउनुहुनेछ । यहाँ क्लिक गरेर युट्युबमा भिडिओ हेर्नुहोस् । 







 

पछिल्लो अध्यावधिक: असोज ३०, २०८१ ९:२०