प्रत्येक शनिबार एनसेलको फ्ल्यास सेल्स, बोनसमा १० जीबीसम्म डेटा पाउन सकिने

काठमाडौं । एनसेलले विशेष साप्ताहिक फ्ल्याश सेल्स अफर सञ्चालनमा ल्याएको छ । यसअन्तर्गत ग्राहकले प्रत्येक शनिबार डेटा वा भ्वाइस टकटाइम बोनस पाउन सक्ने कम्पनीले जनाएको छ । मंसिर २२ देखि सुरु भएको यो अफर १३ पुससम्म लागू हुनेछ ।

यो अफर अन्तर्गत ग्राहकले सधैं अन प्याकहरू वा अनलिमिटेड डेटा प्याकहरू खरिद गर्दा बोनस डेटा वा टकटाइम प्राप्त गर्न सक्छन् । प्याकको प्रकारअनुसार १ जीबीदेखि १० जीबी डेटा वा १० देखि १०० मिनेटसम्मको टकटाइम बोनस प्रदान गरिनेछ ।

यो अफरको फाइदा लिन ग्राहकसँग एनसेल एप हुनुपर्छ । एप नभएको खण्डमा डाउनलोड गरेर आफ्नो एनसेल नम्बर प्रयोग गरी साइन अप गर्न सकिन्छ । प्रत्येक शनिबार ग्राहकले एनसेल एपको फ्ल्याश सेल्स सेक्सनमा गएर सधैं अन वा अनलिमिटेड डेटा प्याक खरिद गर्न सक्छन् । खरिदपश्चात तुरुन्तै बोनस डेटा वा टकटाइम प्राप्त हुने कम्पनीले जनाएको छ ।

सधैं अन प्याकहरू रु. ३९९ देखि रु. ९९९ सम्म उपलब्ध छन् । उदाहरणका लागि, रु. ३९९ को प्याकमा ८ जीबी डेटा, ३९९ मिनेट टकटाइम र ३९ ओटा एसएमएससँगै १ जीबी बोनस डेटा प्राप्त गर्न सकिन्छ । यस्तै, रु. १२५ को तीन दिनको अनलिमिटेड डेटा प्याक खरिद गर्दा २० मिनेट अननेट टकटाइम बोनस उपलब्ध हुनेछ ।

एनसेलले यो अफर ग्राहकलाई बिना अतिरिक्त शुल्क थप सेवा प्रदान गर्न र डिजिटल बन्न प्रेरित गर्नका लागि ल्याएको जनाएको छ । सधैं अन प्याकका ग्राहकहरूले आफ्नो बाँकी डेटा भ्वाइसमा वा बाँकी भ्वाइस डेटासँग साट्न सक्ने सुविधा पनि पाउँछन् ।

प्रोडक्ट	डेटा	टकटाइम	एसएमएस	शुल्क	बोनस	समयसीमा
सधैं अन ३९९	८ जीबी	३९९	३९	३९९	१ जीबी	२८ दिन
सधैं अन ४९९	१२ जीबी	४९९	४९	४९९	२ जीबी
सधैं अन ५९९	२० जीबी	५९९	५९	५९९	३ जीबी
सधैं अन ७९९	३० जीबी	अनलिमिटेड	७९	७९९	५ जीबी
सधैं अन ९९९	५० जीबी	अनलिमिटेड	९९	९९९	१० जीबी

 

*शीर्षक परिवर्तन गरिएको छ ।

पछिल्लो अध्यावधिक: मंसिर २८, २०८१ २१:४०

टिप्पणीहरू