डिजिटल भुक्तानीमा लाग्ने शुल्क हटाउन रास्वपा सांसद निशा डाँगीको माग

काठमाडौं । राष्ट्रिय स्वतन्त्र पार्टी (रास्वपा) की सांसद निशा डाँगीले डिजिटल कारोबारमा लाग्ने अतिरिक्त शुल्क हटाउन माग गरेकी छन् । सोमबार बसेको प्रतिनिधि सभा बैठकमा बोल्दै सांसद डाँगीले यस्तो माग राखेकी हुन् ।

केही दिनअघि आफूले डिजिटल कारोबार नि:शुल्क गर्न माग गर्दै अर्थमन्त्रीलाई पत्र बुझाएको र प्रधानमन्त्रीले पनि ६ महिनाअघि नै सामाजिक सञ्जालमा डिजिटल कारोबारमा लाग्ने शुल्क हटाउने योजना अगाडि बढाइएको बताएको स्मरण गराइन् ।

“सरकारले बारम्बार वचन मात्र दिने, तर काम नगर्ने हो भने त्यसले जनताको विश्वास तोड्ने काम मात्रै गर्छ,” उनले भनिन्, “म सभामुखमार्फत सरकारलाई छिटोभन्दा छिटो डिजिटल कारोबारलाई नि:शुल्क बनाउन आवश्यक कदम चाल्न अनुरोध गर्दछु ।”

पछिल्लो अध्यावधिक: फागुन १२, २०८१ १४:५

टिप्पणीहरू