एफवन सफ्ट ग्रुपको अध्यक्षमा सिद्धान्त ठकुरी नियुक्त, को हुन् उनी ?

काठमाडौं । एफवन सफ्ट इन्टरनेसनल प्रालिले २१ औं वार्षिकोत्सवको अवसरमा एफवन सफ्ट ग्रुपको नेतृत्व परिवर्तनको घोषणा गरेको छ । कम्पनीका संस्थापक विश्वास ढकालले शुक्रबार लिङ्क्डइनमा पोस्ट राख्दै एफवन सफ्ट ग्रुपको अध्यक्षमा सिद्धान्त ठकुरी नियुक्त भएको जानकारी दिएका हुन् ।

ठकुरीले यसअघि फोनपे र एफवन सफ्ट ग्रुपमा विभिन्न भूमिकामा रहेर काम गरेका थिए । जुलाई २०२० देखि अगस्ट २०२१ सम्म ठकुरी नबिल डिजी बैंकमा मेनेजर थिए । मार्च २०२२ मा उनी चिफ अपरेटिङ अफिसरका रूपमा फोनपेमा प्रवेश गरे । त्यसपछि उनी एफवन सफ्ट इन्टरनेसनल प्रालिमा चिफ अपरेटिङ अफिसरका रूपमा काम गर्दै आएका थिए । 

नेतृत्व परिवर्तनले वित्तीय प्रविधिमा अझ ठूलो फड्को मार्ने कम्पनीको विश्वास छ । एफवन सफ्ट ग्रुप अन्तर्गत हाल विभिन्न कम्पनी सञ्चालन भइरहेका छन् भने १५ सय भन्दा बढीले प्रत्यक्ष रोजगारी पाएका छन् । कम्पनीका संस्थापक ढकालले सबै कर्मचारीहरूलाई धन्यवाद दिँदै अझ राम्रो भविष्यको लागि तयार रहन आग्रह गरेका छन् ।

पछिल्लो अध्यावधिक: फागुन २३, २०८१ ११:२८

टिप्पणीहरू