चार महिनादेखि एनसेलका ग्राहक लगातार घटेका घट्यै, गुमायो साढे ५ लाख बढी प्रयोगकर्ता

काठमाडौं । निजी मोबाइल सेवाप्रदायक कम्पनी एनसेलले पछिल्लो चार महिनादेखि लगातार रूपमा ग्राहक गुमाउँदै गइरहेको पाइएको छ । गत कात्तिकपछिका हरेक महिनामा कम्पनीका ग्राहक लगातार घट्न थालेका हुन् ।

नियामक नेपाल दूरसञ्चार प्राधिकरणले सार्वजनिक गरेको पछिल्लो एमआईएस रिपोर्ट अनुसार कात्तिक २०८१ मा एनसेलको मोबाइल सेवा प्रयोग गर्ने ग्राहकको सङ्ख्या एक करोड ४९ लाख ९१ हजार १६ रहेको थियो ।

तर त्यसयता फागुन मसान्तसम्म आइपुग्दा कम्पनीले ५ लाख ५७ हजार ७५८ ग्राहक गुमाएको देखिन्छ । 

हाल उसको मोबाइल सेवा प्रयोग गर्ने ग्राहकको सङ्ख्या एक करोड ४४ लाख ३३ हजार २५८ रहेको छ । उता प्रतिस्पर्धी नेपाल टेलिकमले भने यस अवधिमा सुधार गरेको छ ।

नेपाल टेलिकम र एनसेलको पछिल्लो ६ महिनाको ग्राहक आधार

सेवाप्रदायक	असोज	कात्तिक	मङ्सिर	पुस	माघ	फागुन
नेपाल टेलिकम	11,759,610	13,933,869	14,039,732	13,933,872	14,156,991	14,112,594
एनसेल	11,986,858	12,152,828	12,163,840	12,065,203	11,960,911	11,890,948

स्रोतः नेपाल दूरसञ्चार प्राधिकरण

कात्तिकमा एक करोड ४६ लाख २९ हजार ८०४ ग्राहक रहेको कम्पनीले त्यसपछिका हरेक महिनामा ग्राहक वृद्धि गरेको तथ्याङ्कमा देखिन्छ । कात्तिक यताको चार महिनामा टेलिकमले ३ लाख ९९९ ग्राहक थप गर्दै कूल ग्राहक आधार एक करोड ४९ लाख ३० हजार ८०३ पुर्‍याउन सफल भएको छ ।

यससँगै नेपालको टेलिकम बजारमा नेपाल टेलिकमको बजार हिस्सा ५१.५२४% र एनसेलको ४८.४७२% हुन पुगेको छ ।

पछिल्लो अध्यावधिक: चैत १३, २०८१ २३:५२

टिप्पणीहरू