तिहार बिदामा घरमै बसेर लाइभ हेर्नुहोस् नेपालका यी २० भन्दा बढी ठाउँका दृश्य
कात्तिक १, २०८२ १८:८
काठमाडौँ । दशैं-तिहारमा पारिवारिक माहोललाई बिट मार्दै नयाँ नयाँ ठाउँ घुम्ने प्रचलन पछिल्लो समय बढेको छ । खासगरी साथीभाइ र आफन्तसँग ट्रेकिङ, हाइकिङ, जङ्गल सफारी लगायत अन्य साहसिक पदयात्रा गर्ने गरिन्छ ।
तपाईंहरूमध्ये कैयौं पदयात्राका लागि यात्रामा निस्किसक्नु भएको होला । कोही विशेष कारणले जान नपाउनु भएको होला । अथवा जाने योजना बनाउनु भएको छ भने मौसम र त्यहाँको अन्य जानकारी नपाउनु भएको हुनसक्छ ।
‘वेबक्याम नेपाल’ नामक युट्युब च्यानलले नेपालका विभिन्न स्थानमा क्यामेरा राखेर लाइभ प्रसारण गर्दै आएको छ । घुम्न जाने योजना छ र त्यहाँको मौसम वा स्थानको जानकारी लिनुपर्यो भने तिनै भिडिओलाई आधार बनाउन सक्नुहुन्छ । त्यस्तै घुम्न जान नपाउने अवस्था छ भने लाइभ भिडिओ हेरेर आनन्द लिन पनि सकिन्छ ।
यस च्यानलमा दुई वर्षभन्दा लामो समयदेखि एकसाथ २० भन्दा बढी भिडिओ लाइभ छन् । यस युट्युब च्यानलका सञ्चालक मनि गुरुङ हुन्, जो अहिले बेलायतमा बस्छन् । ४२ हजार ७०० बढी सब्स्क्राइबर भएको यो च्यानल सन् २०१८ बाट सञ्चालनमा आएको हो ।
त्यस बखत यस च्यानलमा ७२ सालको भूकम्पमा भत्किएको धरहराको पुनः निर्माणको उद्घाटन कार्यक्रममा खिचिएका भिडिओ अपलोड गरिएका थिए । हालसम्म यस च्यानलमा १२६ बढी भिडिओ अपलोड भएका छन् ।
हेर्नुहोस् लाइभ:
१) समुन्द्र सहतदेखि ३८८० मिटरमाथि रहेको होटेल एभरेस्ट भ्युको लाइभ
२) होटेल एभरेस्ट भ्युकै अर्को दृश्य
४) लामा लज, कोटे (मिरा पिक-३५५० मिटर)
७) हलेसी खोटाङ
८) होटेल एभरेस्ट भ्युको पानारोमिक भ्यु
९) कालोपानी गेस्ट हाउस, मुस्ताङ
१०) होटल मिलन एन्ड रेस्टुरेन्ट
११) होटल मिलन एन्ड रेस्टुरेन्टको अर्को दृश्य
१४) द एडलवाइस फेरीज – नेपाल – ४३७१ मिटर
१५) लोबुचे नेपाल
१६) लुक्ला विमानस्थल
१७) होटल डे पुराङ – मुस्ताङ, नेपाल
१९) होटल ताशी देलेक – डिङबोचे – नेपाल – ४३६० मिटर
२०) होटेल एभरेस्ट भ्यु-हेलिप्याड (३८८० मिटर)
२२) होटल नोरलिङ – नाम्चे बजार – नेपाल
होटेलबाट भएका लाइभमा त्यहाँको सम्पर्क नम्बर पनि उपलब्ध गराइएको हुन्छ । थप जानकारी लिन परेमा त्यहीं भएको नम्बरमा सम्पर्क गर्न सकिन्छ ।
पछिल्लो अध्यावधिक: कात्तिक १, २०८२ १८:१२
