आईओएस १५.४ को पब्लिक बेटा सार्वजनिक, यसरी गर्नुहोस् इन्स्टल
माघ १५, २०७८ १३:४६
काठमाडौं । एप्पलले आईओएस १५.४ भर्सन चाँडै नै सार्वजनिक गर्दैछ । यो भर्सन सार्वजनिक हुनुअगाडि नै यसको विषयमा हामीले धेरै चर्चा सुन्दै आएका छौं ।
मास्क लगाउँदा पनि फेस आईडी चल्ने लगायत विभिन्न फिचरबारे चर्चा भइरहेको छ । यदि तपाईं पनि नयाँ भर्सनमा फिचर के कस्तो छ भनेर थाहा पाउन उत्साहित हुनुहुन्छ भने कम्पनीले बेटा भर्सन सार्वजनिक गरिसकेको छ ।
बेटा भर्सनमा बगहरूको समस्या हुनसक्छ । तपाईंलाई यदि यी बगबाट केही फरक पर्दैन भने यसको बेटा भर्सन इन्स्टल गरेर प्रयोग गर्न सक्नुहुन्छ ।
अर्को महत्त्वपूर्ण कुरा भनेको यो बेटा भर्सन चल्ने फोनहरू । यो भर्सन तपाईंले आईफोन १३, १३ प्रो, १२, १२ मिनी, १२ प्रो, १२ प्रो म्याक्स, आईफोन ११, ११ प्रो, प्रो म्याक्स, आईफोन एक्सएस, एक्सएस म्याक्स, आईफोन एक्स, एक्सआर, आईफोन ८, ८ प्लस, ७, ७ प्लस, ६ एस, ६ एस प्लस, आईफोन एसईको पहिलो र दोस्रो जेनेरेशन तथा आईपोड टचको सातौं जेनेरेशनमा चलाउन सक्नुहुन्छ ।
– यसको लागि आईफोनको सफारी ब्राउजरबाट एप्पलको बेटा सफ्टवेयर पोर्टल खोल्नुहोस् ।
– आफ्नो एप्पलआईडी साइनईन गर्नुहोस् ।
– त्यसपछि स्क्रिनमा देखिने ‘गेट स्टार्टेड’ अप्सनमा क्लिक गर्नुहोस् ।
– ‘इनरोल योर आईओएस डिभाइस’ मा क्लिक गर्नुहोस् ।
– स्क्रिनमा ‘डाउनलोड प्रोफाइल’ भन्ने अप्सन नदेखिएसम्म स्क्रोल गरिरहनुहोस् र सो अप्सन देखिएपछि क्लिक गर्नुहोस् ।
– पपअप विन्डोमा ‘अलाउ’ अप्सनमा क्लिक गर्नुहोस् ।
– त्यसपछि मोबाइलमा गएर सेटिङ अप्सनमा क्लिक गर्नुहोस् ।
– त्यहाँ तपाईंले एउटा नयाँ अप्सन देख्नुहुन्छ ‘प्रोफाइल डाउनलोडेड’, उक्त अप्सनमा क्लिक गर्नुहोस् ।
– ‘इन्सटल’ अप्सनमा क्लिक गर्नुहोस् ।
– पुनः आफ्नो पासवर्ड राख्नुहोस् र फोन रिस्टार्ट गर्नुहोस् ।
यति प्रक्रिया पार गरेपछि तपाईंले आईओएसको १५.४ भर्सनको बेटा अप्सन प्रयोग गर्न सक्नुहुनेछ ।
पछिल्लो अध्यावधिक: असोज २, २०७९ २२:३२
