बन्द भयो चर्चित एप ‘युट्युव भ्यान्स्ड’
फागुन ३०, २०७८ १८:५३
काठमाडौं । एन्ड्रोइड प्रयोगकर्तामाझ लोकप्रिय युट्युव भ्यान्स्ड एप बन्द भएको छ ।
प्ले स्टोरमा युट्यवको थर्ड पार्टी एपका रूपमा उपलब्ध यो एपले प्रयोगकर्तालाई बिना विज्ञापन युट्युव भिडिओ हेर्ने, ब्याकग्राउन्डमा भिडिओ बजाउने लगायतका सुविधा दिँदै आएको थियो ।
साथै यसले युट्युवको आधिकारिक एपभन्दा थप कस्टमाइज गर्ने फिचर पनि उपलब्ध गराउँदै आएको थियो । अब भने यो एपले आफ्नो सेवा बन्द भएको घोषणा गरेको छ ।
गुगलले ‘कानूनी चेतावनी’ दिएपछि एप बन्द गरिएको भ्यान्स्डले जनाएको छ ।
यद्यपि कुनै अर्को ठूलो परिवर्तन नआए यो एप चलाइरहेका प्रयोगकर्ताले आउँदो दई वर्षसम्म सेवा लिन पाउने पनि भ्यान्स्डले जनाएको छ ।
पछिल्लो अध्यावधिक: असोज २, २०७९ २२:३२
