कान्तिपुर टिभीको ट्वीटर अकाउन्ट ‘ह्याक’
चैत २३, २०७८ २१:३९
काठमाडौं । कान्तिपुर टेलिभिजनको ट्वीटर अकाउन्ट ‘ह्याक’ भएको छ ।
@ourktv ह्यान्डल भएको टेलिभिजनको ट्वीटर अकाउन्ट आज साँझदेखि नियन्त्रण बाहिर रहेकाे टेलिभिजनका प्रधान सम्पादक दिलभुषण पाठकले जनाएका छन् ।
अहिले ह्यान्डलमा कुनै नाम छैन भने प्रोफाइल र कभर फोटो पनि हटाइएको छ ।
यस्तै ‘रिफ्रेस योर मेटाडेटा’ तथा ‘समथिङ इज कमिङ’ क्याप्सन सहित असान्दर्भिक पोस्टहरू ट्वीट भइरहेको छ ।
सम्पादक पाठकका अनुसार यसबारे थप अध्ययन भइइरहेको छ र ट्वीटर सपोर्टसँग टेलिभिजनको प्राविधिक टोलीले आवश्यक समन्वय गरिरहेको छ ।
पछिल्लो अध्यावधिक: असोज २, २०७९ २२:३५
