नेपाली विद्यार्थीका लागि ह्वावेको ‘सिड्स फर दी फ्युचर’ कार्यक्रम, कसरी दिने आवेदन ?

काठमाडाैं । ह्वावेले याे वर्ष पनि नेपाली विद्यार्थीका लागि ‘सिड्स फर फ्युचर’ कार्यक्रम ल्याएकाे छ ।

आईसीटी सम्बन्धी विषयका स्नातक तहका विद्यार्थीका लागि लक्षित गर्दै कम्पनीले गत वर्षदेखि नेपालमा याे कार्यक्रम सञ्चालनमा ल्याएकाे हाे ।

याे कार्यक्रम पहिलो पटक सन् २००८ मा थाइल्याण्डबाट सुरु भएको थियो । याे अवधिमा १३० भन्दा बढी देश र क्षेत्रका १२ हजारभन्दा बढी विद्यार्थीले कार्यक्रममा भाग लिएकाे कम्पनीले जनाएकाे छ ।

यस वर्ष प्रतिस्पर्धात्मक आवेदन प्रक्रियाबाट छनोट भएका नेपालका सात विद्यार्थीले अगस्ट १९ देखि अगस्ट २७ सम्म थाइल्याण्डकाे बैंककमा हुने पहिलो क्षेत्रीय कार्यक्रममा सहभागी हुन पाउनेछन् ।

मंगलबार आयोजित पत्रकार सम्मेलनमा ह्वावेले प्राडा. शशिधर राम जोशी, प्राडा. सुवर्ण शाक्य, प्रा. तिमिला यामी थापा र प्राडा. मनिष पोखरेल सम्मिलित कार्यक्रमको छनोट समितिको परिचय गरायाे ।

यस वर्ष ह्वावेले नेपालमा युनेस्कोसँग पनि साझेदारी गरेको छ । संस्थाले आफ्नो ‘Next 50’ अभियान अन्तर्गत विद्यार्थीहरूलाई संलग्न गराउनेछ ।

कार्यक्रमले विद्यार्थीलाई नेपालको आईसीटी उद्योगमा पहिलो अन्तर्दृष्टि प्राप्त गर्ने र बैंककको नाै दिनको यात्रा गर्ने असर प्रदान गर्नेछ ।

Tech4Good परियोजनाका विजेता टोलीहरूले पनि अगस्ट २९ देखि  सेप्टेम्बर  २ सम्म सिंगापुरमा आयोजित Tech4Good एक्सेलेटर क्याम्पमा सामेल हुन पाउनेछन् ।

नेपालमा, विद्यार्थीहरूले ह्वावे नेपालको कार्यालयको भ्रमणमार्फत आईसीटी उद्योगमा सुरुवाती कदम चाल्ने मौका पाउने छन् ।

त्यस्तै उद्योग विशेषज्ञहरूबाट कक्षाहरू र रमणीय स्थानमा ह्वावे-निर्मित बेस स्टेशनको यात्रा कार्यक्रम पूरा भएपछि, विद्यार्थीहरू आलुमनाइमा सामेल हुनेछन्, जहाँ विशेष वेबिनारहरू, राउन्ड टेबल संवाद, उत्सव कार्यक्रम आदि सबै वर्षभर आयोजित हुनेछन् ।

विद्यार्थीले याे लिंकमा गएर सो कार्यक्रमका लागि आवेदन दिन सक्नेछन् ।

पछिल्लो अध्यावधिक: असोज २, २०७९ २२:३४

टिप्पणीहरू