ट्रेन्डिङ:
स्टार्टअप अवार्ड आयोजना गर्दै युवा उद्यमी मञ्च, पहिलो हुनेलाई ५ लाख नगदसहितको पुरस्कार फेसबुक र गुगलको सम्मेलनमा शीर्ष २५ भित्र परे चार नेपाली स्मार्ट मिटरका लागि प्रति मेगाहर्ज एक करोड २० लाखमा विद्युत प्राधिकरणलाई  फ्रिक्वेन्सी आईटी विद्यार्थीलाई जापानी कम्पनीमा इन्टर्नशिप गर्ने मौका वर्ल्डलिङ्कमा राखियो पब्जीको सर्भर, कस्तो होला अबको ‘गेम-प्ले’ ? ब्लक भएका वेबसाइट हेर्ने ५ तरिका एनसेलको होम एन्ड अवे डेटा अफर, ५९९ रुपैयाँमै ६० जीबी डेटा क्यूआर कोडले कसरी गर्छ काम ? बालेनसँग जोरी खोज्दा सामाजिक सञ्जालमा छुद्र बने सांसद महेश बस्नेत टिकटकमा आएको कमेन्ट मन परेन ? डिसलाइक गरिदिनुहोस्
close

स्टार्टअप अवार्ड आयोजना गर्दै युवा उद्यमी मञ्च, पहिलो हुनेलाई ५ लाख नगदसहितको पुरस्कार

टेकपाना टेकपाना

भदौ १२, २०७९

स्टार्टअप अवार्ड आयोजना गर्दै युवा उद्यमी मञ्च, पहिलो हुनेलाई ५ लाख नगदसहितको पुरस्कार

काठमाडौं । युवा उद्यमीहरूको संस्था नेपाली युवा उद्यमी मञ्च नेपालले स्टार्टअप अवार्ड आयोजना गर्ने भएको छ । नेपाली उद्यमीलाई थप प्रोत्साहन र साथ प्रदान गर्ने उद्देश्यका साथ मञ्चको काठमाडौं च्याप्टरले नेपाली युवा उद्यमी मञ्च काठमाडौं स्टार्टअप अवार्ड प्रदान गर्ने भएको हो । 

मञ्चले युवाहरूलाई व्यवसायिक क्षेत्रमा लाग्न प्रेरित गर्ने उद्देश्यले उत्कृष्ट स्टार्टअप आइडियालाई पुरस्कृत गर्ने छ । यो कार्यक्रममार्फत नयाँ उद्यमीहरूलाई आवश्यक पर्ने एक्सपोजर, मेन्टरशिप र लगानीको अवसर समेत दिइनेछ । 

अवार्डमा सहभागी हुन चाहने स्टार्टअप कम्पनी नेपाल सरकारले तोकेको कार्यालयमा दर्ता भएको हुनुपर्नेछ । त्यस्तै स्टार्टअप स्थापना भएर ५ वर्ष नकटेको हुनु पर्नेछ । यति मात्र नभएर स्टार्टअपले प्रदान गरेको अथवा गर्न चाहेको वस्तु उत्पादन अथवा सेवा तयारी अवस्थामा हुनु पर्नेछ । 

स्टार्टअपले आफ्नो सबै भन्दा नजिकको समयमा गरिएको अडिट रिपोर्ट समेत बुझाउनु पर्नेछ । अडिट रिपोर्ट नभएको खण्डमा प्रोभिजनल वित्तीय विवरण बुझाउनु पर्नेछ ।

निर्धारित अवधिभित्र यी सबै आवश्यक कागजात सहित आवेदन पेश गर्ने कम्पनीहरू मात्र अवार्डका लागि योग्य हुनेछन् । नेपाली युवा उद्यमी मञ्चको सदस्यता लिएका उद्यमीले सञ्चालन गरेका कम्पनीले भने अवार्डमा सहभागी हुन पाउने छैनन् । 

अवार्ड विजेतालाई पहिलो, दोस्रो र पिपुल्स च्वाइस अवार्ड प्रदान गरिनेछ । अवार्डमा पहिलो, दोस्रो र तेस्रो हुनेले क्रमशः चा लाख रुपैयाँ, दुई लाख रुपैयाँ र एक लाख रुपैयाँ नगद उपहार प्रदान गरिनेछ । 

सगरमाथा इन्स्योरेन्सले कार्यक्रमलाई मुख्य प्रायोजन गरेको छ भने सह प्रायोजकको रूपमा सिद्धार्थ बैंक रहेको छ । अवार्डका लागि दर्ता फारम १० भादौदेखि खुलाइनेछ । दर्ता फारम एनवाईईएफ स्टार्टअप अवार्ड डटकममा उपलब्ध हुनेछ।  

नेपाली युवाबीच आइडिया आदानप्रदान, फेलोशिप, प्रशिक्षण र पैरवी गर्ने उद्देश्यका साथ स्थापना भएको नेपाली युवा उद्यमी मञ्चले नेपाल उद्योग वाणिज्य महासङ्घबाट सन् २००३ मा आधिकारिक मान्यता पाएको थियो ।

मञ्चले नेपाली युवाहरूमा उद्यमशीलता विकास गर्न टक शो, मेन्टरशिप, मास्टर क्लास लगायतका कार्य गर्दै आएको छ । संस्था विस्तारको क्रममा सन् २०१६ सालमा मञ्चको काठमाडौं च्याप्टर स्थापना भएको हो ।