कमेडियन अपूर्व क्षितिज तारेखमा रिहा
भदौ २३, २०७९ १८:३५
काठमाडौं । कमेडियन अपूर्व क्षितिज सिंह तारेखमा रिहा भएका छन् । कोभिड सङ्क्रमण पुष्टि भएपछि उनलाई तारेखमा रिहा गरिएको प्रहरीले जनाएकाे छ ।
गत भदाै १२ गते कमेडी भिडिओको नाममा नेवारी लबजलाई होच्याएको आरोपमा सिहं पक्राउ परेका थिए ।
‘कमेडी क्याफे’ नामक कार्यक्रममा बनाएको ‘नेवारको परम्परा’ नामक भिडिओ युट्युब च्यानल तथा सामाजिक सञ्जालमा राखेपछि सिंह विवादमा तानिएका थिए ।
यसपछि सिंहले सामाजिक सञ्जालमा माफी माग्दै उक्त भिडिओ हटाएका थिए ।
उनीमाथि प्रहरीले मुलुकी अपराध संहिता, २०७४ को परिच्छेदको १० को दफा १६५ को सामाजिक रीतिस्थितिलाई खलल पुर्याउन नहुने कसूरमा अनुसन्धान गरिरहेको थियो ।
१० दिनसम्म अनुसन्धान पूर्ण हुन नसकेपछि उनलाई पाँच दिन थप गरी हिरासतमा राखिएको थियो ।
पछिल्लो अध्यावधिक: असोज २, २०७९ २२:३३
