ट्रेन्डिङ:
भोलिदेखि काठमाडौंमा ह्याकरहरुको सम्मेलन, यसरी हुनुहोस् सहभागी स्मार्ट मिटरका लागि प्रति मेगाहर्ज एक करोड २० लाखमा विद्युत प्राधिकरणलाई  फ्रिक्वेन्सी जिमेलका उपयोगी १० टिप्स, जसले अन्त्य गर्नेछ तपाईंको झन्झट ‘९.६ जीबीपिएस सम्मको स्पीड हुने वाइफाइ सिस्टमको तयारी गरिरहेका छौं’ तपाईँको फोनमा ई-सिम सपोर्ट गर्छ कि गर्दैन ? यसरी जाँच गर्नुहोस् जिमेलका उपयोगी १० टिप्स, जसले अन्त्य गर्नेछ तपाईंको झन्झट तपाईंको सिमकार्ड कसको नाममा दर्ता छ ? यसरी थाहा पाउनुहोस् अब ह्वाट्सएपको ग्रुप च्याट सधैंलाई ‘म्युट’ गर्न सकिने आईओएस १६ मा ब्याट्री पर्सेन्टेज देखिएन ? यसो गर्नुहोस् दशैंमा नयाँ फोन किन्दै हुनुहुन्छ ? ख्याल गर्नुहोस् यी कुरा
close

भोलिदेखि काठमाडौंमा ह्याकरहरुको सम्मेलन, यसरी हुनुहोस् सहभागी

टेकपाना टेकपाना

भदौ २७, २०७९

भोलिदेखि काठमाडौंमा ह्याकरहरुको सम्मेलन, यसरी हुनुहोस् सहभागी

काठमाडौं । ह्याकरहरुको सम्मेलन ‘थ्रेटकन’ भोलिदेखि सुरु हुने भएको छ । ठमेलस्थित एलफ्ट काठमाडौं होटलमा आयोजना हुने याे सम्मेलन तीन दिनसम्म चल्नेछ ।

त्यसमध्ये पहिलो दुई दिन अर्थात् मंगलबार र बुधबार ह्याकिङसँग सम्बन्धित विभिन्न विषयमा वर्कशप र बिहीबार कन्फ्रेन्स (सम्मेलन) आयोजन हुने नेपालको साइबर सुरक्षा फर्म तथा कार्यक्रमको आयोजक थ्रेटनिक्सले जनाएको छ ।

नेपालमा साइबर सुरक्षाको ‘इकोसिस्टम’ तयार पार्न तथा सेक्युरिटी कम्युनिटीलाई विकास र विस्तार गर्न हरेक वर्ष थ्रेटकनको आयोजना हुँदै आएको छ ।

विज्ञ, ह्याकर तथा अनुसन्धानकर्ता, सरकारी क्षेत्र, उद्योग क्षेत्र लगायतका सबै सरोकारवालाहरूको सम्मेलनमा सहभागिता रहने गरेको छ, जसमा साइबर सुरक्षाको क्षेत्रको अन्तर्राष्ट्रिय अभ्यास र नेपालले गर्नुपर्ने कामका विषयमा चर्चा हुने गर्दछ ।

यो वर्ष कार्यक्रममा नाै देशका २० जनाले शोधपत्र प्रस्तुत गर्ने कार्यक्रम रहेको छ । त्यसमध्ये १९ जना विदेशी र एक नेपाली साइबर अनुसन्धानकर्मी रहने जनाइएको छ ।

कार्यक्रममा ताइवानको साइबर सेक्युरिटी कम्पनी टीएक्सवान नेटवर्कका सेक्युरिटी रिसर्चर ह्याङ्क चेन मुख्य वक्ताको रुपमा उपस्थित रहनेछन् ।

कार्यक्रममा साइबर सेक्युरिटी कम्पनी, आईटी कम्पनी, बैंक तथा सरकारी निकायबाट सहभागी हुने बताइएकाे छ ।

त्यस्तै विद्यार्थीले पनि कार्यक्रममा सहभागिता जनाउनसक्ने छन् । सन् २०१८ बाट थ्रेटनिक्सले यो कार्यक्रम निरन्तर रुपमा गर्दै आएको छ ।

सुरुका दुई वर्ष भौतिक रुपमा भएको कार्यक्रम कोभिडका कारण अघिल्लो एक वर्ष स्थगित भएको थियो भने, गत वर्ष भर्चुअल रुपमा गरिएको थियो ।

यो वर्षको कार्यक्रममा ३०० जना सहभागी हुने अपेक्षा गरिएको छ । कार्यक्रममा सहभागी हुन चाहनेहरूले अनलाइनबाटै रजिष्ट्रेसन गराउनसक्ने छन् ।

त्यसका लागि थ्रेटकनको आधिकारिक वेबसाइट अथवा यहाँ क्लिक गरी टिकेट खरिद गर्न सकिने छ ।

विद्यार्थी, स्ट्यान्डर्ड, कर्पोरेट गरी तीन विभिन्न प्याकेजमा टिकेट उपलब्ध गराइएको छ ।