बीवाईडी विद्युतीय सवारी खरिद गर्न चाहनेलाई कुमारी बैंकले ऋण दिने
फागुन १८, २०७९ ७:५०
काठमाडौं । बीवाईडी ब्रान्डको विद्युतीय सवारी साधन खरिद गर्न चाहनेहरूका लागि अब कुमारी बैंकले कर्जा उपलब्ध गराउने भएको छ । हालै कुमारी बैंक लिमिटेड र बीवाईडीको नेपालस्थित साइमेक्स् इन्क प्रालिबीच यसबारे सम्झौता भएको हो ।
सम्झौता अनुसार बैंकले आफ्ना देशभरका शाखाहरूबाट सहज रुपमा बीवाईडी ब्रान्डका सवारी साधन खरिदका लागी सवारी साधन कर्जा उपलब्ध गराउने छ ।
यसअन्तर्गत कुनै पनि बीवाईडी डिलरबाट सवारी साधन खरिद गर्दा कुमारी बैंक लिमिटेडले ८० प्रतिशतसम्म कर्जा लिन सकिनेछ ।
सो कर्जा ८ वर्ष अवधिसम्म लिन मिल्ने व्यवस्था गरिएको छ ।
पछिल्लो अध्यावधिक: फागुन १८, २०७९ ७:५०
