नेपाल प्रिमियर लिग क्रिकेटको अक्सन हुँदै, यसरी हेर्नुहोस् लाइभ
असोज २०, २०८१ १४:३९
काठमाडौं । नेपाल क्रिकेट संघ (क्यान)ले आगामी मंसिर १५ देखि पुस ६ सम्म कीर्तिपुरस्थित त्रिवि मैदानमा आयोजना गर्न लागेको नेपाल प्रिमियर लिग (एनपीएल) का लागि आज अक्सन हुँदैछ । दिउँसो २ बजेदेखि सुरु भएकाे एक कार्यक्रममार्फत खेलाडीको अक्सन प्रक्रिया सुरु भएको छ ।
क्यानका अनुसार अक्सनका लागि ४२६ खेलाडीले आफ्नो नाम टिपाएका थिए । तीमध्ये एनपीएल तयारी समितिले १४२ जना खेलाडीको नाम अक्सनका लागि छनोट गरेको छ ।
आजको कार्यक्रममा एनपीएलमा सहभागी आठ टिमले खेलाडीहरू किन्नेछन् । तपाईंले कुन खेलाडी कुन टिमले खरिद गरे भनेर प्रत्यक्ष प्रसारणमार्फत हेर्न सक्नुहुन्छ । यसका लागि एनपीएलले आफ्नो आधिकारिक युट्युबमा च्यानलमा लाइभको व्यवस्था गरेको छ ।
एनपीएलको लाइभ अक्सन हेर्न यहाँ क्लिक गर्नुहोस् ।
पछिल्लो अध्यावधिक: असोज २०, २०८१ १५:२२
