सरकारी भेरिफाइड मार्क पाएको प्रधानन्यायाधीशको नक्कली एक्स अकाउन्ट सस्पेन्ड
फागुन १३, २०८१ १८:८
काठमाडौं । सर्वोच्च अदालतको नाममा रहेको नक्कली भेरिफाइड एक्स (पहिला ट्वीटर) अकाउन्ट गायब भएको छ । सर्वोच्च अदालतका प्रधानन्यायाधीश प्रकाशमान सिंह राउतको नाममा खोलिएको उक्त अकाउन्टलाई एक्सले सरकारी भेरिफाइड मार्क दिएको थियो । तर, उक्त अकाउन्ट मङ्गलबार एकाएक गायब भएको हो ।
सरकारी भेरिफाइड चेकमार्क पाएको उक्त अकाउन्ट १३ फेब्रुअरीमा खोलिएको थियो । भेरिफाइड भएको उक्त अकाउन्टबाट नेपालमा अवैध क्रिप्टोकरेन्सीको प्रचार भइरहेको थियो । त्यस लगत्तै प्रधानन्यायाधीशको निजी सचिवालयले आइतबार एक विज्ञप्ति जारी गर्दै नक्कली अकाउन्ट खुलेको भन्दै आपत्ति जनाएको थियो ।
नक्कली अकाउन्टको चर्चा हुन थालेपछि नेपाल प्रहरीको साइबर ब्युरोले अनुसन्धान थालेको थियो । “हामीले एक्स कर्पोरेसनलाई सम्पर्क गरेका थियौं । आज कम्पनीले ब्युरोलाई अकाउन्ट सस्पेन्ड गरेको जानकारी दिएको छ,” साइबर ब्युरोका प्रवक्ता प्रहरी उपरीक्षक दीपकराज अवस्थीले टेकपानासँग भने, “थप विवरण आउन बाँकी नै छ । प्रक्रिया लाग्छ ।”
सम्बन्धित सामाचार
फेक एक्स अकाउन्टमा भेरिफाइड ग्रे चेकमार्क दुरुपयोग भएपछि नेपाल सरकारकै ईमेल ह्याक भएको आशङ्का
क्रिप्टोकरेन्सी प्रचार गर्ने प्रधानन्यायाधीशको फेक आईडीमा एक्सको भेरिफाइड सरकारी चेकमार्क
पछिल्लो अध्यावधिक: फागुन १३, २०८१ १८:८
