दुर्गा प्रसाईं विरुद्ध साइबर ब्युरोमा उजुरी
चैत १५, २०८१ १४:४५
काठमाडौं । आफूलाई सामाजिक अभियन्ता बताउने दुर्गा प्रसाईं विरुद्ध साइबर ब्युरोमा उजुरी परेको छ ।
लैङ्गिक तथा यौनिक अल्पसङ्ख्यक समुदायलाई लक्षित गरी गलत सूचना तथा घृणास्पद अभिव्यक्ति दिएको भन्दै प्रसाईं विरुद्ध शुक्रबार उजुरी दर्ता भएको हो ।
साइबर ब्युरोका प्रवक्ता प्रहरी उपरीक्षक दीपकराज अवस्थीले ‘मायाको पहिचान नेपाल’ नामको संस्थाले निवेदन दर्ता गरेको जानकारी दिए ।
“लैङ्गिक तथा यौनिक अल्पसङ्ख्यक समुदायलाई लक्षित गरेर गलत सूचना तथा घृणास्पद अभिव्यक्ति दिएको भन्दै निवेदन दर्ता भएको छ,” अवस्थीले भने, “निवेदन आजै दर्ता भएको हो । हामी यस विषयमा अनुसन्धान अगाडि बढाउँछौं ।”
पछिल्लो अध्यावधिक: चैत १५, २०८१ १४:५१
