गुगलको जेमनाई एआईमा थपियो डकुमेन्टलाई प्रिजेन्टेसन बनाइदिने फिचर, कसरी गर्ने प्रयोग ?
कात्तिक १५, २०८२ १९:३१
काठमाडौँ । गुगलको एआई टुल जेमनाईले अब डकुमेन्टलाई प्रिजेन्टेसन बनाइदिने भएको छ । कम्पनीले सार्वजनिक गरेको नयाँ अपडेटमा यस्तो सुविधा थपिएको हो ।
जेमनाईको क्यानभासमा गएर यो फिचर प्रयोग गर्न सकिन्छ । यो फिचरपछि अब ठुला र जटिल डकुमेन्टमार्फत स्लाइड बनाउन सजिलो हुने भएको छ । त्यस्तै स्लाइड बनाउँदा एआई टुलले भिजुअल समेत बनाइदिन्छ । यसका लागि डकुमेन्ट र प्रम्प्ट दिए मात्र पुग्ने कम्पनीले बताएको छ । यो फिचरपछि स्लाइड बनाउन सजिलो हुने भएको हो ।
त्यस्तै एआई टुल जेमनाईले बनाउने स्लाइडलाई गुगल स्लाइड्समा लान सकिने र एडिट गर्न सकिने बताइएको छ ।
जेमनाईबाट यसरी बनाउनुहोस् डकुमेन्टलाई स्लाइड:
-
सबैभन्दा पहिले यहाँ क्लिक गरेर वेब भर्सन अथवा मोबाइलबाट जेमनाई खोल्नुस् ।
-
त्यसपछि टुलबारमा गएर क्यानभासमा जानुहोस् ।
-
अनि डकुमेन्ट अपलोड गर्नुहोस् र 'Create a Presentation' सहितको प्रम्प्ट लेख्नुहोस् । यसमा तपाईँले सकेसम्म आफ्नो आवश्यकता अनुसारको विवरण दिनुस् ।
-
यति गरेपछि तपाईँको प्रम्प्ट अनुसार केही बेरमै स्लाइड तयार हुने छ ।
यद्यपि गुगलले यो फिचर सुरुमा प्रो सब्सक्राइबरलाई मात्र दिइएको छ । तर गुगलका अनुसार केही हप्तापछि यो फिचर नि:शुल्क प्रयोगकर्ताले पनि प्रयोग गर्न पाउने छन् ।
पछिल्लो अध्यावधिक: कात्तिक १५, २०८२ १९:३४
