आज किन छ गुगल डुडलमा पिज्जा ?
मंसिर २०, २०७८ १७:५
काठमाडौं । आज गुगलले आफ्नो डुडलमा ‘पिज्जा टुडे’ मनाइरहेको छ । गुगल डुडलमा आज तपाईंले एउटा पिज्जा देख्न सक्नुहुन्छ, जसमा तपाईंले गेम पनि खेल्न सक्नुहुन्छ ।
डुडलमा पनि एउटा पिज्जा छ र पिज्जाको छेउमै पिज्जा कटर पनि छ । त्यो पिज्जामा क्लिक गर्नुभयो भने एउटा पिज्जा काट्ने गेम आउँछ ।
सो गेममा विभिन्न टपिङ सहितको पिज्जा भेटिन्छ र ती पिज्जालाई टपिङको आधारमा काट्नुपर्छ । पिज्जा एउटा विश्वचर्चित इटाली खानेकुरा हो ।
सन् २००७ मा आजको दिन, नेपोलिटनको कुलिनरी आर्ट अर्थात्, पाककला ‘पिज्जाइओलो’ लाई युनेस्कोको मानवताको अमूर्त सांस्कृतिक सम्पदाको सूचीमा राखिएको थियो ।
सोही दिनको सम्झनामा आज गुगलले ‘पिज्जा टुडे’ मनाउन आफ्नो गुगल डुडल परिवर्तन गरेको गुगलले आफ्नो ट्वीट मार्फत बताएको छ ।
पछिल्लो अध्यावधिक: असोज २, २०७९ २२:३२
