काठमाडौं । जापानिज कार निर्माता कम्पनी होण्डाको मूख्य कार्यालयमा साइबर आक्रमण भएको छ । कम्पनीले मंगलबार विज्ञप्ति जारी गर्दै घटनाबारे जानकारी गराएको हो ।
कम्पनीका अनुसार ह्याकरले कम्पनीको मूख्य कम्प्युटर सर्भरमा आक्रमण गरको छ । जसले गर्दा जापानमा रहेका अन्य कार्यालयको उत्पादनमा समेत समस्या आएको छ ।
हाल त्यसको समाधानका लागि काम भइरहेको र चाँडै उत्पादन, बिक्री र निर्माणका काम पूर्ण रुपमा सञ्चालनमा आउने कम्पनीले जनाएको छ ।
साइबर आक्रमणका कारण हाल आर्थिक र ग्राहक केन्द्र पूर्ण रुपमा बन्द गरिएको छ । कम्पनीले आर्थिक कारोबार र ग्राहक सेवामा आएको अवरोधका कारण पर्ने असुविधा प्रती क्षमा माग्दै ट्वीट गरेको छ ।
At this time Honda Customer Service and Honda Financial Services are experiencing technical difficulties and are unavailable. We are working to resolve the issue as quickly as possible. We apologize for the inconvenience and thank you for your patience and understanding.
— Honda Automobile Customer Service (@HondaCustSvc) June 8, 2020
हालसम्म उपलब्ध प्रतिवेदन अनुसार साइबर आक्रमणमा ‘स्नेक र्यानसमवेयर’ प्रयोग भएको हुनसक्ने अनुमान गरिएको छ । स्नेक र्यानसमवेयर अन्य फाइल इन्क्रिप्टिङ मालवेयर जस्तै हो ।
यसले फाइल तथा डकुमेन्टलाई स्क्र्याम्बल गरी फिरौतको माग गर्दछ । त्यस्तो फिरौतीको रकम भने धेरै जसो क्रिप्टो करेन्सीमा हुने गरेको छ । तर, यो विषयमा भने होण्डाले कुनै किसिमको जानकारी बाहिर ल्याएको छैन ।