फेसबुकमा चिनेको व्यक्तिलाई विश्वास गर्दा किशोरी बलात्कृत
चैत २१, २०७९ २१:४९
काठमाडौं । किशोरीलाई जबर्जस्ती करणी गरेको आरोपमा दुईजना पक्राउ परेका छन् । पक्राउ पर्नेमा काभ्रेका २१ वर्षीय आशिश भनिने नीमा तामाङ र काभ्रेपलाञ्चोकका २१ वर्षीय कुशल श्रेष्ठ रहेका छन् ।
काठमाडौँ उपत्यका अपराध अनुसन्धान कार्यालयका अनुसार आरोपित नीमा तामाङले नक्कली फेसबुक आईडी बनाएर ती किशोरीसँग जोडिए ।
कुरा हुँदै गएपछि तामाङले किशोरीलाई ग्रान्डी अस्पतालनेर भेट्न बोलाए । त्यसपछि नजिकै रहेको गेस्ट हाउसमा लागे । आफूसँगै रहेका उनका साथी कुशल श्रेष्ठलाई बोलाए । त्यसपछि किशोरीलाई सामूहिक रूपमा जबर्जस्ती करणी गरे । र, फरार भए ।
सोमबार कार्यालयबाट खटिएको प्रहरी टोलीले आरोपितलाई काठमाडौँ धापासीबाट पक्राउ गरेको हो ।
तामाङ र श्रेष्ठलाई थप अनुसन्धान एवं कारबाहीका लागि प्रहरी वृत्त महाराजगञ्ज पठाइएको छ ।
पछिल्लो अध्यावधिक: चैत २१, २०७९ २१:४९
