महावीर पुनको पुस्तक ३ महिनामै २५ हजार प्रति बिक्री, आम्दानी झन्डै २ करोड
पुस २९, २०८० १६:३३
काठमाडौं । राष्ट्रिय आविष्कार केन्द्रका अध्यक्ष महावीर पुनको जीवन कथामा आधारित पुस्तकको २५ हजारभन्दा बढी प्रति बिक्री भएको छ । गत असोज २८ मा सार्वजनिक भएको उनको पुस्तक ‘महावीर पुन- सम्झना, सपना र अविरल यात्रा’ तीन महिनाको अवधिमा यो संख्यामा बिक्री भएको हो ।
“अहिलेसम्म २५ हजार प्रति पुस्तक बिक्री भइसक्यो,” पुनले टेकपानासँग भने, “अहिले म पुस्तक बिक्री गर्ने अभियानमा विभिन्न जिल्ला पुगिरहेको छु ।”
पुस्तकको मूल्य ७५० रुपैयाँ तोकिएको छ । सोही सङ्ख्यालाई २५ हजार प्रतिले गुणन गर्दा एक करोड ८७ लाख ५० हजार रुपैयाँ हुन आउँछ । पुनले पुस्तक बिक्री गरेर आएको आम्दानीले वीरगञ्जमा रहेको कृषि औजार कारखानाको मर्मत सम्भार गर्ने बताएका छन् ।
उक्त पुस्तक बिक्री गर्न पुन देशका विभिन्न जिल्लाहरूमा गइरहेका छन् । त्यसबाहेक उनको पुस्तक विदेशमा पनि बिक्री भइरहेको छ ।
पछिल्लो अध्यावधिक: पुस २९, २०८० १६:३८
