नयाँ वर्षमा बससेवाको अफर, अनलाइन टिकेट काट्ने ८१ जनाले पूर्ण क्यासब्याक पाउने
चैत २४, २०८० १४:३१
काठमाडौं । अनलाइन बस टिकेटिङ सेवाप्रदायक बस सेवा डटकमले नयाँ वर्षको उपलक्ष्यमा ‘८१ सालमा एक्कासी अफर’ ल्याएको छ । यस अफरअन्तर्गत बस सेवामार्फत टिकट काट्ने यात्रुमध्ये ८१ जनाले शतप्रतिशत क्यासब्याक पाउनेछन् ।
त्यस्तै हरेक दिन एक जना यात्रुले स्मार्टवाच र इयरबड जित्न सक्नेछन् । यो योजना २५ चैतदेखि ८ वैशाखसम्म सञ्चालन हुनेछ । अनलाइनबाटै बस टिकट काट्ने बानी प्रोत्साहन गर्न यो अफर ल्याएको कम्पनीले जनाएको छ ।
विजेताहरूको नाम गोलाप्रथाबाट चयन गरिने कम्पनीले जनाएको छ । यसका लागि गोलाप्रथा कार्यक्रमको प्रत्यक्ष प्रसारण बस सेवाको आधिकारिक फेसबुक पेजबाट गरिने छ ।
बससेवा डटकमले नेपालभरका अधिकांश रूटहरूमा सेवा प्रदान गर्दै आएको छ । यससँगै भारतका नयाँ दिल्ली, बोधगया, मुजफ्फरपुर लगायतका सहरमा समेत अनलाइन टिकट बुकिङ सेवा प्रदान गर्ने गरेको छ ।
पछिल्लो अध्यावधिक: चैत २४, २०८० १४:३९
