६५०० एमएएच शक्तिशाली ब्याट्री सहित नेपालमा सार्वजनिक हुँदै ‘भिभो भी५० लाइट’

 

काठमाडौँ । नेपाली बजारमा भिभो नेपालले छिट्ट नै नयाँ स्मार्टफोन भिभो भी ५० लाईट सार्वजनिक गर्ने तयारी गरिरहेको छ । फोनमा शक्तिशाली ६५०० एमएएचको ब्लु भोल्ट ब्याट्री प्रयोग गरिएको छ जसले ९० वाटको फ्ल्यास चार्ज सपोर्ट गर्नेछ ।

ब्याट्रीको साइज ठुलो भएपनि फोन ७.७९ एमएमको अल्ट्रा–स्लिम प्रोफाइलमा छ भने यसमा मीडियाटेक डाइमेन्सिटी ६३००  चिपसेट प्रयोग गरिएको छ । गेमिङ र मल्टिटास्किङका लागि भने फोन उत्कृष्ट रहने बताइएको छ । साथै, फोनले एस जि एस फाइभ स्टार ड्रप रेसिस्टेन्ट र मिलेट्री ग्रेड सटिफिकेसन प्राप्त गरिसकेको पनि बताइएको छ ।  

फोनमा १२० हर्ज अल्ट्रा भिजन पि–ओलेड पञ्च–होल डिस्प्ले, अल्ट्रा–न्यारो बेजल्स र फ्ल्यागशिप लेभल फिनिस दिइएको छ । एस जि एस लो ब्लू लाईट सर्टिफिकेसनले आँखाको सुरक्षा सुनिश्चित गर्नेछ भने १८००–निट्सको पिक ब्राइटनेसले बाहिरको उज्यालोमा पनि प्रस्ट दृश्य देखिनेछ । यस्तै फोनमा ५० मेगापिक्सेलको सोनी आई एम एस ८८२ मुख्य क्यामेरा र ३२ मेगापिक्सेलको फ्रन्ट क्यामेरा छ । नेपाली बजारमा यो फोनको मूल्यका विषयमा भने अहिलेसम्म कुनै जानकारी बाहिर आइसकेको छैन ।

पछिल्लो अध्यावधिक: जेठ २, २०८२ १२:४६

टिप्पणीहरू