फ्याक्टचेकः बालेनलाई गोली हान्नुपर्छ भन्ने व्यक्ति पक्राउ परेका छैनन्, भाइरल फोटो एआई सिर्जित
माघ ९, २०८२ ८:५७
काठमाडौँ । बिहीबारदेखि सामाजिक सञ्जालमा स्वतन्त्र पार्टी (रास्वपा)का वरिष्ठ नेता बालेन्द्र शाह (बालेन) लाई टिकटक मार्फत ज्यान मार्ने धम्की दिने व्यक्ति पक्राउ परेको दाबीसहितका पोस्टहरू भाइरल भइरहेका छन् । बालेन झापा गएको समयमा उनलाई गोली हान्ने भन्दै एक व्यक्तिले टिकटक लाइभमा दिएको धम्कीको भिडिओ चर्चामा रहेकै बेला केही फेसबुक पेजहरूले आरोपी व्यक्ति पक्राउ परेको दाबी गरेका हुन् ।
तर, टेकपाना फ्याक्टचेक डेस्कको अनुसन्धानबाट यो दाबी भ्रामक पुष्टि भएको छ । बालेनलाई धम्की दिने व्यक्ति हालसम्म पक्राउ परेका छैनन् भने भाइरल भइरहेका फोटोहरू समेत एआई (आर्टिफिसियल इन्टेलिजेन्स) बाट बनाइएका हुन् ।
दाबी
सामाजिक सञ्जाल फेसबुकमा ‘Miss Pabi 41’ नामक पेजले बालेनलाई गोली ठोक्ने भन्ने व्यक्ति पक्राउ परेको दाबीसहितको पोस्ट सार्वजनिक गरेको छ । बिहीबार बिहान १०:३२ मा सार्वजनिक उक्त पोस्टमा लेखिएको छ, “बालेन शाह लाई गो ली ठो'क्छौ भन्ने व्यक्ति प*क्राउ, कति वर्ष जे'ल कोच्दा ठिक होला 🙏❤️👍”
उक्त पोस्टमा यो सामाग्री तयार पार्दा सम्म ३२ हजारभन्दा धेरै रियाक्सन ७८ सय बढी कमेन्ट र ११ सय बढी शेयर भएको छ । हेर्नुहोस् पोस्ट, अर्काइभ लिङ्क तथा स्क्रिनशट ।
२२ जनवरी बिहान ११:०७ मा ‘ktm Post’ नामक फेसबुक पेजले पनि बालेनलाई गोली ठोक्ने बताउने व्यक्ति पक्राउ परेको दाबीसहितको भिडिओ पोस्ट गरेको पाइयो । उक्त पोस्टमा लेखिएको छ, “बालेन शाह लाई गो ली ठो'क्छौ भन्ने व्यक्ति प*क्राउ, कति वर्ष जे'ल कोच्दा ठिक होला 🙏❤️👍” पोस्टमा यो सामग्री तयार पार्दासम्म ३६ सय बढी रियाक्सन ९३१ कमेन्ट र ३२६ पटक शेयर गरिएको छ ।
हेर्नुहोस् पोस्ट र स्क्रिनशट ।
‘उकाली ओराली भन्ज्याङ चौतारी’ नामक फेसबुक पेजले २२ जनवरी दिउँसो १:०७ मा एक पोस्ट गर्दै सोही दाबी गरेको छ । उक्त पोस्टमा लेखिएको छ, “बालेन शाह लाई गो ली ठो'क्छौ भन्ने व्यक्ति प*क्राउ, कति वर्ष जे'ल कोच्दा ठिक होला ?”
हेर्नुहोस् पोस्ट र स्क्रिनशट ।
‘Bharat Singh Dhami’ ले २२ जनवरी दिउँसो १:०३ मा एक पोस्ट सार्वजनिक गर्दै सोही दाबी गरेको छ । उक्त पोस्टमा भनिएको छ, “बालेन शाह लाई गो ली ठो'क्छौ भन्ने व्यक्ति प*क्राउ, कति वर्ष जे'ल कोच्दा ठिक होला 🙏❤️👍” हेर्नुहोस् पोस्ट र स्क्रिनशट ।
‘Uwin Magar’ नामको फेसबुक अकाउन्टबाट पनि सोही दाबी सहितको पोस्ट भएको छ । २२ जनवरी दिउँसो ३:०८ मा गरिएको पोस्टको स्टाटसमा लेखिएको छ, “बालेन शाह लाई गो ली ठो'क्छौ भन्ने व्यक्ति प*क्राउ, कति वर्ष जे'ल कोच्दा ठिक होला 🙏❤️👍काठमाडौं महानगरपालिकाका मेयर बालेन शाहलाई गोली ठोक्ने धम्की दिने व्यक्ति अन्ततः प्रहरीले पक्राउ गरेको छ। यस्ता गम्भीर र आपराधिक धम्कीले समाजमा डर र अस्थिरता फैलाउने काम गर्दछ। कानून अनुसार यस्तो अपराधमा कति वर्षको जेल सजाय उपयुक्त हुन्छ भन्ने विषयमा गम्भीर छलफल आवश्यक छ। तपाईंको विचारमा यस्तो कार्यका लागि कस्तो सजाय ठिक होला? 🙏❤️👍”
हेर्नुहोस् पोस्ट र स्क्रिनशट ।