निषेधाज्ञामा ग्राहकलाई रिचार्जमा बोनस डेटा दिँदै टेलिकम

काठमाडाैं । नेपाल टेलिकमले एमपोस अर्थात विभिन्न भुक्तानी सेवा प्रदायकका माध्यमबाट मोबाइलमा रिचार्ज गर्दा बोनस डेटा उपलब्ध गराउने भएकाे छ ।

यसअन्तर्गत रु. २०० देखि रु. ४९९ सम्म रिचार्ज गर्दा ५०० एमबी डेटा उपलब्ध गराइने छ र सो डेटा २ दिनभित्र प्रयोग गर्न सकिने छ ।

यसैगरी रु. ५०० वा सो भन्दा बढी रकम रिचार्ज गर्दा १०२४ एमबी डेटा उपलब्ध गराइने छ र सो डेटा ४ दिन भित्र प्रयोग गर्न सकिने छ ।

देशभर जारी निषेधाज्ञाका कारण सर्वसाधारणले घरमै बसी अनलाइन भुक्तानी सेवा प्रदायकका माध्यमबाट रिचार्ज गर्दा टेलिकमले बाेनस दिने निर्णय गरेकाे हाे ।

पछिल्लो अध्यावधिक: असोज २, २०७९ २२:३४

टिप्पणीहरू