काठमाडौंका यी ठाउँमा केही दिन टेलिकमको सेवा अवरुद्ध हुने

काठमाडौं । काठमाडौंका केही ठाउँमा नेपाल टेलिकमको सेवा अवरुद्ध हुने भएको छ ।

मंगलबार एक सूचना प्रकाशित गर्दै नेपाल टेलिकम प्रादेशिक निर्देशनालय काठमाडाैंले क्याबिनेट, पोल तथा केबल हटाइने र कपर नेटवर्कलाई एफटीटीएचमा माइग्रेसन गर्नुपर्ने भएकाले केही दिन सेवा अवरुद्ध हुन सक्ने जनाएको हो ।

सूचनामा भनिएको छ, ‘टेलिकम कार्यालय गोङ्गबुअन्तर्गत पर्ने बनस्थलीदेखि बसुन्धरासम्म (करिब ५ किलोमिटर) चक्रपथको दायाँ बायाँ रहेका नेपाल टेलिकमका क्याबिनेट, पोल तथा केबलहरु सडकबाट हटाइने भएकाले उक्त एरियाका कपर नेटवर्कलाई एफटीटीएचमा माइग्रेसन गर्नुपर्ने भएकाले केही दिन सेवा अवरुद्ध हुनसक्ने भएको हुँदा ग्राहकवर्गमा पर्न जाने असुविधाप्रति नेपाल टेलिकम क्षमाप्रार्थी छ ।’

पछिल्लो अध्यावधिक: असोज २, २०७९ २२:३३

टिप्पणीहरू