अनलाइनमा एकैपटक धेरै लिङ्क कपी गर्ने तरिका
फागुन १२, २०७९ १०:४१
काठमाडौं । कहिलेकाहीँ हामीलाई धेरै लिङ्क कपी गर्नुपर्ने हुन्छ । पटक पटक भिन्न लिङ्क कपी गर्दै पेस्ट गर्ने काम झन्झटिलो हुन्छ । समय पनि धेरै लाग्छ ।
तर, हामीसँग विभिन्न वेब ब्राउजर एक्सटेन्स छन्, जसको प्रयोगमार्फत एकैपटक धेरै लिङ्क कपी गर्न सकिन्छ ।
कपी सेलेक्टेड लिङ्क्स (copy selected links)
यो एक वेब ब्राउजर एक्स्टेन्सन हो । यसबाट हामीले एकैपटक धेरै लिङ्क कपी गर्न गर्छाैँ । यसका लागि सबैभन्दा सुरुमा यो एक्स्टेन्सन आफ्नो ब्राउजरमा इन्स्टल गर्नुहोस् ।
-क्रोम, ब्रेभ ब्राउजरका लागि यहाँ क्लिक गर्नुहोस् ।
-त्यस्तै फायरफक्सका लागि यहाँ क्लिक गर्नुहोस् ।
तपाईंले यो एक्सटेन्सन इन्स्टल गर्न ‘एड टु ब्रेभ’ (तपाईंले प्रयोग गरिरहनु भएको ब्राउजरको नाम) मा क्लिक गर्नपर्ने हुन्छ । त्यसपछि यो एक्सटेन्सन तपाईंको ब्राउजरमा इन्स्टल हुन्छ ।
अब तपाईंले धेरै लिङ्क एकै पटकमा कपी गर्न सक्नुहुनेछ ।
उदाहरणका लागि ‘अत्यधिक एडिट हुन थालेपछि रवि लामिछाने, कैलाश सिरोहिया र ऋषि धमलाको विकिपिडिया पेज लक !’ शीर्षकमा टेकपानामा प्रकाशित समाचारमा प्रयोग भएका लिङ्क एकैपटकमा कपी गरी हेरौं ।
यस समाचारको पहिलो अनुच्छेदमा तीनओटा ब्याकलिङ्क छ । अब ती तीनलाई एकैपटक कपी गर्नका लागि त्यो अनुच्छेदलाई सेलेक्ट गर्नुहोस् ।
अब सेलेक्ट गरेको ठाउँमा माउसको राइट की प्रेस गर्नुहोस् । त्यहाँ विभिन्न विकल्प देखिन्छन् । ती मध्ये ‘कपी सेलेक्टेड लिङ्कस’ क्लिक गर्नुहोस् ।
अब नोटप्याड वा अन्य कुनै लेख्न मिल्ने एप्लिकेसन खोलेर राइट क्लिक गरी पेस्ट गर्नुहोस् । अब तपाईंले त्यहाँ लिङ्कहरु देख्न सक्नुहुनेछ ।
यसबाहेक पनि लिङ्कक्लम (linkclump) एक्सटेन्सनबाट तपाईंले धेरै लिंक एकैपटक कपी गर्न सक्नुहुनेछ ।
पछिल्लो अध्यावधिक: फागुन १२, २०७९ १०:४४
