यातायात कार्यालय एकान्तकुनाको सर्भर डाउन, लाइसेन्स वितरण बाहेकका काम प्रभावित
फागुन २१, २०७९ १३:२८
काठमाडौं । यातायात व्यवस्था कार्यालय, एकान्तकुनाको सर्भर डाउन भएर काम प्रभावित भएको छ ।
कार्यालयले एक सूचना जारी गर्दै आइतबार बिहानदेखि नै सर्भरमा समस्या आएको बताएको छ । यसकारण स्मार्ट कार्ड वितरण बाहेक अन्य सम्पूर्ण सेवाहरू अर्को सूचना प्रकाशित नभएसम्मको लागि स्थगन गरिएको सूचनामा उल्लेख छ ।
साथै आज बायोमेट्रिक दर्ता परेका सेवाग्राहीहरूको बायोमेट्रिक दर्ता फागुन २५ गतेको लागि सारेको पनि कार्यालयले जानकारी दिएको छ ।
पछिल्लो अध्यावधिक: फागुन २१, २०७९ १५:३७
