शुक्रबार साँझदेखि बाग्लुङमा टेलिकमको सेवा अवरुद्व
बैशाख १६, २०८० ११:३०
बाग्लुङ । शुक्रबार साँझदेखि बाग्लुङमा नेपाल टेलिकमको मोबाइल सेवा अवरुद्ध भएको छ । सेवा अवरुद्ध हुँदा ग्राहक सञ्चारविहीन भएका छन ।
पोखरादेखि बाग्लुङ खण्डको फाइबर चुँडिएपछि मोबाइल सेवा अवरुद्ध भएको नेपाल टेलिकम बाग्लुङका प्रमुख ई. इन्जिनियर केशव शर्माले जानकारी दिए ।
यस अन्तर्गत ल्याण्डलाइन, मोबाइल, सीडीएमए सेवा अवरुद्ध भएकाे छ । त्यस्तै टेलिकमको रिपिटर टावरमा समस्या आएकोले माइक्रोवेभ रेडियो लिङ्क समेत बन्द भएको छ ।
मर्मतका लागि पोखराबाट आएको प्राविधिक टोलीले काम गरिरहेको शर्माले बताए ।
पछिल्लो अध्यावधिक: बैशाख १६, २०८० ११:४४
