यूएईको बोटिम अल्ट्रा एपमार्फत अब सोझै आइएमई पे वालेटमा रेमिट्यान्स पठाउन सकिने
कात्तिक १, २०८० २१:४३
काठमाडौं । रेमिट्यान्स सेवा प्रदायक कम्पनी आइएमई र मध्यपूर्वी देशहरूसहित विश्वका १५५ देशमा सञ्चालनमा रहेको अस्ट्र टेकबीच सम्झौता भएको छ । अस्ट्र टेकबाट प्रवर्द्धित बोटिम अल्ट्रा एपमार्फत नेपालमा रकम पठाउन र डिजिटल रेमिट्यान्स सेवा प्रवर्द्धन गर्न यो समझदारी भएको हो ।
यस अनुसार यूएईको केन्द्रीय बैंकबाट इजाजतपत्र प्राप्त बोटिम अल्ट्रा एपमार्फत आइएमईको डिजिटल वालेट आइएमई पेमा सोझै रकम पठाउन सकिने छ ।
आइएमईका सेवाग्राहीहरूलाई अत्याधुनिक सूचना प्रविधिमा आधारित वित्तीय सेवा प्रदान गर्ने आइएमईको उद्देश्य हासिल गर्न यो साझेदारी सार्थक हुने आइएमईका प्रमुख कार्यकारी अधिकृत पौडेलले उल्लेख गरे ।
त्यस्तै, अस्ट्र टेकका प्रमुख व्यापार अधिकृत मार्क मिशेलले आइएमई नेपालसँगको साझेदारीबाट उत्साहित रहेको बताए ।
पछिल्लो अध्यावधिक: कात्तिक १, २०८० २१:५९
