दीक्षान्त समारोह गर्दै पोखरा विश्वविद्यालय, अनलाइनबाटै आवेदन दिन सकिने
पुस २७, २०८० १२:१३
काठमाडौं । पोखरा विश्वविद्यालयले आयोजना गर्ने १९ औं दीक्षान्त समारोहका लागि अनलाइन आवेदन खुलेको छ । एक सूचना जारी गर्दै विश्वविद्यालयले फागुन ८ मा हुने दीक्षान्त समारोहमा भाग लिन इच्छुक विद्यार्थीका लागि अनलाइन फाराम खुलाएको हो ।
दीक्षान्त समारोहमा सहभागी हुन स्नातक, स्नातकोत्तर, एमफिल तथा विद्यावारिधि तह उत्तीर्ण गरिसकेका विद्यार्थीहरूले अनलाइन फाराम भर्न सक्नेछन् । उनीहरूको ट्रान्सक्रिप्ट २०७९ माघ २० भन्दा पछि जारी भएको हुनुपर्ने सूचनामा उल्लेख छ ।
त्यस्तै दीक्षान्त समारोहमा सहभागी हुन भरिने फाराम माघ ५ गतेदेखि माघ १९ गतेसम्म मात्र उपलब्ध हुने सूचनामा उल्लेख छ । उक्त अवधिभित्र कुनै पनि समयमा विद्यार्थीले फाराम भर्न सक्नेछन् ।
यसबारे थप जानकारीका लागि यहाँ क्लिक गर्नुहोस् ।
हेर्नुहोस् सूचना
पछिल्लो अध्यावधिक: पुस २७, २०८० १२:४३
