सरकारी कार्यालयकै स्क्रिनमा आयो ट्रम्पले एलन मस्कको खुट्टा किस गरेको एआई भिडिओ

काठमाडौं । अमेरिकाको सरकारी भवनमा एउटा अचम्मको भिडिओ देखाइएको छ । वाशिंगटन डिसीस्थित सरकारी कार्यालयका टिभी स्क्रिनहरूमा राष्टपति डोनाल्ड ट्रम्पले एलन मस्कको खुट्टा किस गरिरहेको भिडिओ देखिएपछि विश्वभर चर्चा भएको छ ।

वास्तवमा यो भिडिओ कम्प्युटरबाट बनाइएको थियो, जसलाई ‘डिप फेक’ भनिन्छ । अमेरिकाको आवास तथा शहरी विकास (एचयूडी) विभागको स्क्रिनमा सोमबार भिडिओ देखिएपछि कर्मचारीहरू अत्तालिएका थिए । त्यसपछि कर्मचारीहरूले म्यानुअल रूपमा प्रत्येक स्क्रिन अफ गरेका थिए ।

यो भिडिओ ‘Long Live the Real King’ अर्थात् ‘असली राजाको जय होस्’ शीर्षकको साथ लूपमा बजिरहेको थियो । भिडिओ भाइरल भएपछि यो घटनालाई विश्लेषकहरूले साइबर सुरक्षा उल्लंघन वा संगठित नाटकका रूपमा चित्रण गरेका छन् । 

HAHA. The monitors at the Housing and Urban Development building were hacked this morning and displayed an AI video of Donald Trump kissing Elon Musk’s feet, alongside the message: “LONG LIVE THE REAL KING.” pic.twitter.com/FPT6jvqBF1

— Republicans against Trump (@RpsAgainstTrump) February 24, 2025

एचयूडीका प्रवक्ता कासी लोभेटले स्क्रिन नै ह्याक गरी गलत भिडिओ प्रसारण भएको भन्दै घटनामा संलग्न व्यक्तिहरूलाई उचित कारबाही गर्ने बताएका छन् ।

यो घटना एलन मस्कको डज परियोजना अन्तर्गत एचयूडीका चार हजार कर्मचारीलाई हटाउने योजना लिक भएपछि आएको हो । अमेरिकामा आवास संकट बढिरहेको समयमा यो घटना थप चासोको विषय बनेको छ । कतिपयले एआई प्रविधिको दुरुपयोग र साइबर सुरक्षा उल्लंघनका खतरा र चुनौतीहरूलाई उजागर गरेको भन्दै सुरक्षा नीतिमा पुनर्विचार गर्नुपर्ने धारणा राखेका छन् । 

पछिल्लो अध्यावधिक: फागुन १५, २०८१ १३:५०

टिप्पणीहरू