आउँदो साता सार्वजनिक हुँदै रेड्मी नोट ११
कात्तिक ४, २०७८ १४:५६
काठमाडौं । साओमीले रेड्मी नोट लाइनअपमा नयाँ स्मार्टफोन सार्वजनिक गर्ने तयारी गरेको छ । आउँदो अक्टोबर २८ अर्थात् कात्तिक ११ गते कम्पनीले रेड्मी नोट ११ सार्वजनिक गर्न लागेको हो ।
चिनियाँ सोसल प्लेटफर्म वेइबोमा एक टिजर प्रकाशित गर्दै कम्पनीले फोन सार्वजनिक हुने मितिसँगै यसको डिजाइनबारे जानकारी दिएको छ । टिजरमा देखाइएअनुसार रेड्मी नोट ११ स्मार्टफोनको पछाडि चार वटा क्यामेरा हुनेछ ।
साथै यसमा ३.५ एमएमको हेडफोन ज्याक, जेबीएल स्पिकर र थोरै कर्भ्ड भएको डिस्प्ले रहनेछ ।
तर कम्पनीले अन्य स्पेशिफिकेशन भने शेयर नगरेकाले फोनको डिस्प्ले साइज, क्यामेरा, चिपसेट, स्टोरेजलगायतका विवरण थाहा पाउन हामीले लञ्च इभेन्टसम्मै कुर्नुपर्ने देखिन्छ ।
यसअघि सार्वजनिक भएको रेड्मी नोट १० मा स्न्यापड्रागन ६७८ चिपसेट, ४८ मेगापिक्सेलको मुख्य सेन्सरसहितको क्वाड क्यामेरा सेटअप, ६.४३ इन्च फुलएचडी प्लस एमोलेड स्क्रिन लगायतका फिचर थिए ।
पछिल्लो अध्यावधिक: असोज २, २०७९ २२:३२
