काठमाडौं । डोनल्ड ट्रम्प अमेरिकाका ४५ औं राष्ट्रपति हुन् । ४६ औं राष्ट्रपति पदका लागि अहिले ट्रम्प पूर्व उपराष्ट्रपति जो बिडेनबीच भएको चुनावी प्रतिस्पर्धाको अन्तिम नतिजा आउने क्रममा छ ।
डोनल्ड ट्रम्प भलै विश्वको शक्तिशाली देशको राष्ट्रपति पदमा छन् । तर उनी अक्सर विवादमा रहिरहने गर्दछन् ।
ट्रम्पको ट्वीटलाई ट्वीटरले बेलाबेलामा भ्रामक तथा गलत जानकारी भन्दै ब्लक समेत गरिदिन्छ । तपाईं अचम्ममा पर्नुहुन्छ, जुन ट्वीटरसँग उनको बेलाबेलामा आमने सामनेको स्थिति हुन्छ, त्यही ट्वीटरमा ट्वीट गर्न ट्रम्पले एक छुट्टै फोन राखेका छन् ।
कुनै समय ट्रम्प एप्पलका उत्पादनहरु बहिष्कार गर्दथे । तर आज उनी दुई आईफोन गर्छन् । एउटा आईफोनबाट उनी केवल ट्वीट मात्र गर्छन् । डोनल्ड ट्रम्पसँग २०१७ को मार्चसम्म एन्ड्रोइड फोन मात्र थियो ।
जुन सामसङको रहेको बताइन्छ । तर अहिले उनी आईफोन प्रयोग गर्दछन् । ट्रम्पले सन् २०१६ मा एप्पलको आईफोनलाई बहिष्कार गरेका थिए । उनले ट्वीट गरेरै आईफोन प्रयोग नगर्न मानिसहरुलाई आग्रह गरेका थिए ।
Boycott all Apple products until such time as Apple gives cellphone info to authorities regarding radical Islamic terrorist couple from Cal
सन् २०१५ मा स्यान बर्नार्डिनो शुटिङ पश्चात एप्पलले हमलाकारीको फोन अनलक गर्न अस्वीकार गरेको थियो । त्यसपश्चात ट्रम्पले आईफोन बहिष्कारको अपिल गरेका थिए ।
सन् २०१८ मा पोलिटिकोमा प्रकाशित रिपोर्टमा दाबी गरिएअनुसार डोनल्ड ट्रम्प दुई वटा आईफोन प्रयोग गर्दछन् । जसमा एउटा कलिङ तथा म्यासेजिङका लागि हुन्छ भने अर्को आईफोनबाट ट्वीट गर्छन् र केही न्यूज वेबसाइट हेर्दछन् ।
यी दुई आईफोन ट्रम्पको ह्वाइट हाउस सूचना प्राद्योगिकी तथा ह्वाइट हाउस सञ्चार एजेन्सीले उपलब्ध गराएको हो । रिपोर्टमा यो पनि भनिएको छ कि सुरक्षाका कारण ट्रम्पलाई प्रत्येक ३० दिनमा ट्वीटर प्रयोग गर्ने आईफोन परिवर्तन गर्न सल्लाह दिइएको थियो ।
तर उनले त्यसलाई सोझै अस्वीकार गरिदिए । यो पनि भनिन्छ कि सेक्युरिटी एजेन्सीहरुको जाँच बिना ट्रम्पले आफ्नो ट्वीटर चलाउने फोन पाँच महिनासम्म प्रयोग गरेका थिए ।
जब कि पूर्व राष्ट्रपति बाराक ओबामाको कार्यकालमा ओबामा र उनकी पत्नीको फोनको जाँच प्रत्येक ३० दिनमा हुने गरेको थियो । आईफोन अघि ह्वाइट हाउसमा ब्ल्याकबेरी फोनको प्रयोग हुने गर्दथे ।
पूर्व अमेरिकी राष्ट्रपति बाराक ओबामाले समेत ब्ल्याकबेरी फोन नै प्रयोग गर्दथे । यद्यपी केही दिनमा ट्रम्पको फोन नम्बर भने बदल्ने गरिएको छ ।
ट्रम्प कार्यकाल अघि यस्तो थियो नियम
कुनै पनि राष्ट्राध्यक्षमाथि विभिन्न देशका लागि जासुसी गर्ने एजेन्सीहरुको पुरा नजर रहेको हुन्छ । यस्तोमा उनीहरुको सञ्चार प्रणालीमा सुरक्षा निकायले समेत हरेक पल निगरानी राखिरहेका हुन्छन् ।
राष्ट्राध्यक्षलाई दिइने फोनमा देशका सम्बन्धित एजेन्सीले निर्धारित नियमअनुसार मोडिफाई गर्दछन् । डोनल्ड ट्रम्प राष्ट्रपति बन्नु अघि ह्वाइट हाउसमा राष्ट्रपतिको फोनका लागि कडा किसिमका नियम हुने गर्दथे ।
जस्तै, राष्ट्रपतिले आफ्नो फोनको क्यामेरा तथा माइक्रोफोनलाई प्रयोग गर्न पाउँदैन थे । यस बाहेक उनीहरुलाई दिइने फोनमा जीपीएस सपोर्ट समेत हुँदैनथ्यो ।
तर ट्रम्प कार्यकालमा यी सबै नियम ध्वस्त भए । अधिकतर देशका राष्ट्राध्यक्षले ब्ल्याकबेरीका फोन प्रयोग गर्दथे । तर कम्पनी बन्द भएपछि एप्पलको आईफोन पहिलो रोजाई बनिसकेको छ ।