१८ हजार रूपैयाँमा नेपाली बजारमा ‘पोको एम थ्री’ सार्वजनिक, यस्ता छन् मुख्य फिचर

काठमाडौं । नेपाली बजारमा ‘पोको एम थ्री’ सार्वजनिक भएको छ । शनिबार बजेट फाेनकाे रूपमा कम्पनीले एम सिरिजकाे नयाँ स्मार्टफाेन भित्र्याएकाे हाे ।

याे फाेनमा क्वालकमको स्न्यापड्रागन ६६२ चिपसेट, ४८ मेगापिक्सेलकाे मुख्य क्यामेरा सहित ४ वटा क्यामेरा र ६.५३ इन्चकाे आईपीएस डिस्प्ले छ । त्यस्तै यसमा शक्तिशाली ६ हजार एमएएचकाे ब्याट्री छ, जसले १८ वाटकाे फास्ट चार्जिङ सपाेर्ट गर्छ ।

याे फाेन नेपाली बजारमा दुई भेरियन्टमा सार्वजनिक भएकाे छ । यसअन्तर्गत ४ जीबी र्‍याम तथा ६४ जीबी इन्टर्नल स्टाेरेज भेरियन्टकाे मूल्य १७ हजार ९९९ रूपैयाँ र ४ जीबी र्‍याम तथा १२८ जीबी इन्टर्नल स्टाेरेज भेरियन्टकाे मूल्य १९ हजार ९९९ रूपैयाँ ताेकिएकाे छ ।

पछिल्लो अध्यावधिक: असोज २, २०७९ २२:३३

टिप्पणीहरू