पठाओ, इनड्राइभ जस्तै बजारमा नयाँ राइड शेयरिङ कम्पनी आउँदै
असार २, २०८० ११:१६
काठमाडौं । नेपाली बजारमा नयाँ राइड शेयरिङ कम्पनी आउने भएको छ । 'ई-सवारी' नामक नयाँ राइड शेयरिङ कम्पनीले आफ्नो सेवा विस्तार गर्ने तयारी गरेको हो ।
पहिलो चरणमा मधेस प्रदेशबाट सेवा सञ्चालन गर्ने ई-सवारीका सञ्चालक सुनिल यादवले जानकारी दिए । उनका अनुसार अहिले राइडर भर्ना गर्ने काम भइरहेकाे छ ।
नयाँ लक्ष्य र उपभोक्तालाई फरक अनुभूति दिने गरी ई-सवारी आउन लागेको बताउँदै उनले पर्साको वीरगंजमा सेवा सुरुमा हुने र देशका १० बढी सहरमा विस्तार गर्ने योजना रहेको उल्लेख गरे ।
पछिल्लो अध्यावधिक: असार २, २०८० ११:१७
