यी फोनमा चल्न छोड्यो ह्वाट्सएप, कतै तपाईँको त परेन ?

काठमाडौं । पुराना एन्ड्रोइड फोन र आईफोनहरूमा ह्वाट्सएप चल्न छाडेकाे छ । गत कात्तिक ७ (अक्टोबर २४) देखि केही पुराना एन्ड्रोइड तथा आईफोन माेडेलमा ह्वाट्सएप चल्न छाेडेकाे हाे ।

आफूले पछिल्लो अपरेटिङ सिस्टम प्रयोग गर्ने प्रयोगकर्ताका लागि नयाँ फिचर विकास गर्नुपर्ने बताउँदै ह्वाट्सएपले एन्ड्रोइड ओएस ४.१ र आईओएस ११ भन्दा पुराना फोनहरूमा ह्वाट्सएप बन्द गरेकाे जानकारी दिएको छ ।

त्यस्तै नवीनतम् प्रविधिमा थप सुरक्षाका मापदण्डहरू हुने र तिनको फाइदा लिनुपर्ने भएकाले पनि आफूले पुरानो अपरेटिङ सिस्टममा एप बन्द गर्न लागेको ह्वाट्सएपकाे भनाइ छ ।

सपोर्ट बन्द गर्नुअघि कम्पनीले ती फोन प्रयोगकर्तालाई यसबारे सूचित गराएकाे थियाे । अब ह्वाट्सएपका डेभलपरले ती डिभाइसमा प्राविधिक सहयोग तथा अपडेट पठाउन छाड्नेछन् । त्यसो हुँदा डिभाइसको अपरेटिङ सिस्टमले नयाँ अपडेट, नयाँ फिचर तथा समाधान गरिएका बगहरूको अपडेट पाउने छैनन् ।

यदि तपाईंसँग पनि तल उल्लेखित फोनहरू छन् भने ह्वाट्सएप चल्ने छैन:

• Samsung Galaxy S2
• Nexus 7
• iPhone 5
• iPhone 5c
• Archos 53 Platinum
• Grand S Flex ZTE
• Grand X Quad V987 ZTE
• HTC Desire 500
• Huawei Ascend D
• Huawei Ascend D1
• HTC One
• Sony Xperia Z
• LG Optimus G Pro
• Samsung Galaxy Nexus
• HTC Sensation
• Motorola Droid Razr
• Sony Xperia S2
• Motorola Xoom
• Samsung Galaxy Tab 10.1
• Asus Eee Pad Transformer
• Acer Iconia Tab A5003
• Samsung Galaxy S
• HTC Desire HD
• LG Optimus 2X
• Sony Ericsson Xperia Arc3

पछिल्लो अध्यावधिक: कात्तिक ११, २०८० १९:३२

टिप्पणीहरू