आईफोनमा यसरी इन्स्टल गर्नुहोस् आईओएस १८ बेटा भर्सन

काठमाडौं । एप्पलले आईओएस १८ घोषणा गरेसँगै यसको बेटा भर्सन उपलब्ध भइसकेकाे छ । बेटा भएकाले यस भर्सनमा धेरै कमजाेरी बगहरू भेटिन सक्छन् । त्यस्तै आईओएस १८ का लागि एप्पलले घोषणा गरेका सबै फिचरहरू यसमा उपलब्ध छैनन् ।

यस पटकको आईओएस अपडेटमा एप्पलले एक दर्जन बढी एआई फिचर दिने घोषणा गरेको छ । ​एप्पलका अनुसार निम्न आईफोन मोडेलमा आईओएस १८ उपलब्ध हुनेछ ।

आईफोन माेडेलहरू

-आईफोन एक्सएस, 

-आईफोन एक्सएस म्याक्स, 

-आईफोन एक्सआर, 

-आईफोन ११, 

-आईफोन ११ प्रो, 

-आईफोन ११ प्रो म्याक्स,

-आईफोन १२, 

-आईफोन १२ मिनी,

-आईफोन १२ प्रो, 

-आईफोन १२ प्रो म्याक्स, 

-आईफोन १३, 

-आईफोन १३ प्रो म्याक्स, 

-आईफोन एसई (सेकेन्ड जेनेरेसन र पछाडिका भर्सन), 

-आईफोन १४, 

-आईफोन १४ प्लस, 

-आईफोन १४ प्रो, 

-आईफोन १४ प्रो म्याक्स, 

-आईफोन १५, 

-आईफोन १५ प्लस, 

-आईफोन १५ प्रो, 

-आईफोन १५ प्रो म्याक्स 

-आईफोन १६ का प्रो मोडल (घोषणा हुन बाँकी)

 

 

बेटा भर्सन डाउनलोड गर्ने तरिका 

यस पटक एप्पलले आईओएस डाउनलोड गर्ने तरिकालाई निकै सामान्य बनाएको छ । यसबारे तल तरिका बताइएको छ ।

-आईओस १८ को बेटा डाउनलोड गर्न तपाईंको डिभाइसमा आईओएस १६.४ अथवा यस पछाडिका भर्सन हुन आवश्यक छ । (सेटिङ>जेनेरेल>अबाउटबाट तपाईंले डिभाइसको भर्सन हेर्न सक्नुहुन्छ ।)

-आईओएसको बेटा भर्सन डाउनलोड गर्न तपाईंले एप्पलको डेभलपर बेटा प्रोग्राममा साइन अप गरेको हुनुपर्छ । यदि अहिलेसम्म गर्नु भएको छैन भने यहाँ क्लिक गर्नुहाेस् । यसक्रममा तपाईंले त्यही एप्पल आईडी प्रयोग गर्नुपर्छ, जुन आईफोनमा लगइन भइरहेको छ । यो नि:शुल्क र बेटा भर्सन डाउनलोड गर्न अनिवार्य छ ।

-यदि पहिल्यै त्यसमा साइअप गर्नु भएको छ भने यहाँ क्लिक गरी डेभलपर साइटमा जानुहाेस् । त्यसपछि माथिल्लो दायाँ भागमा भएको डाउनलोडमा क्लिक गर्नुहाेस् । तर यसो गर्नुअघि तपाईंले फोनमा डेभलपर मोड भने इनेबल गरेको हुनुपर्छ । यसका लागि सेटिङ>प्राइभेसी एन्ड सेक्युरिटीमा जानुहाेस् ।

-अब पुन: सेटिङ>जेनेरेल>सफ्टवेयर अपडेटमा जानुहोस् ।

 

-त्यहाँ ‘अटोमेटिक अपडेट्स’को ठीक तल ‘बेटा अपडेट्स’ देख्न सक्नुहुन्छ । अब त्यसमा ट्याप गर्नुहोस् । 

-अब ‘बेटा अपडेट्स’ भित्र भएको आईओएस १८ डेभलपर बेटामा ट्याप गर्नुहोस् ।

 

-त्यसपछि एक स्टेप ब्याक हुनुहोस् । अब त्यहाँ आईओएस १८ को उपलब्ध बेटा भर्सन देखिन्छ । अब त्यहाँ 'अपडेट नाउ'मा ट्याप गर्नुहोस् ।

अब तपाईंले आईओएस १८.१ देख्न सक्नुहुन्छ । आगामी दिनमा जबजब एप्पलले नयाँ बेटा भर्सन रिलिज गर्छ, ती स्वतः यहाँ देखिन्छन् । तर तुलनात्मक रूपमा अपरेटिङ सिस्टमको आकार अलि ठूलो हुने भएकाले फोनमा स्पेस भने हुनुपर्छ ।

पछिल्लो अध्यावधिक: जेठ ३०, २०८१ १९:३

टिप्पणीहरू