टाटाको ‘साउनमै दशैं अफर’, जुनसुकै ब्राण्डका पुराना गाडीसँग टाटा टियागो ईभी साट्न सकिने
साउन २५, २०८१ १७:३४
काठमाडौं । नेपालका लागि टाटा मोटर्सको एकमात्र आधिकारिक वितरक सिप्रदी ट्रेडिङले 'साउनमै दशैं अफर' ल्याएको छ । यस अफर अन्तर्गत जुनसुकै ब्राण्डका पुराना गाडीहरू साटेर टाटा मोटर्सको चर्चित टाटा टियागो ईभी पाउन सकिनेछ ।
ग्राहकहरूको बदलिँदो जीवनशैली र अत्याधुनिक सवारी साधनप्रतिको आकर्षणलाई ध्यानमा राख्दै टाटा मोटर्सले थापाथलीसहित देशभरका आफ्ना शोरुमहरूमा साउन २५ देखि २७ गतेसम्म एक्सचेञ्ज कार्यक्रम सुरु गरेको हो ।
यस कार्यक्रममा सहभागीहरूले निःशुल्क अटोप्लस इन्स्योरेन्स, तीन वर्षको सर्भिसिङ, एक वर्षको सवारी कर, एक्सेसरिज, आकर्षक एक्सचेञ्ज बोनसजस्ता सुविधाहरू प्राप्त गर्न सक्नेछन् । त्यसैगरी ग्राहकहरूले टाटा मोटर्सका नयाँ र अत्याधुनिक डिजाइनका सवारी साधनहरू अवलोकन गर्न र टेस्ट ड्राइभ गर्ने अवसर पनि पाउनेछन् ।
पछिल्लो अध्यावधिक: साउन २५, २०८१ १७:३४
