अहिलेसम्मकै दुब्लो आईफोन ल्याउँदै एप्पल

मंसिर ७, २०८१ १४:२०

काठमाडौं । एप्पलले अहिलेसम्मकै पातलो आईफोन ल्याउन लागेको जानकारी बाहिरिएको छ । आईफोन १७ एयर नाम हुने उक्त फोन अहिलेसम्मकै सबैभन्दा पातलो आईफोन हुने दाबी गरिएको छ । एप्पल विश्लेषक जेफ पु पछिल्लो समय बाहिरिएको विवरणमा सहमत छ । म्याक र्‍युमर्सलाई प्राप्त रिसर्च नोटमा विश्लेषक पुले आईफोन १७ एयर निकै पातलो हुने उल्लेख गरेका छन् । यो फोन ६ एमएम चौडाइको हुने दाबी गरिएको छ ।

“आईफोन १७ स्लिम मोडेलको ६ एमएम चौडाई अल्ट्रा-स्लिम डिजाइनबारे हालै भएको चर्चासँग हामी सहमत छौं,” उनले लेखेका छन् । यदि चौडाइ ६ एमएम नै भयो भने यसले केही रेकर्ड राख्नेछ । यसअघि एप्पलले सबैभन्द पातलो आईफोनका रूपमा आईफोन सिक्स ल्याएको थियो । यसको चौडाइ ६.९ एमएम थियो । हालै सार्वजनिक भएको आईफोन १६ प्रो र प्रो म्याक्सभन्दा झन्डै धेरै पातलो हुनेछ । आईफोन १६ को बेस मोडेलको चौडाइ ७.८ एमएम रहेको छ ।

केही प्रयोगकर्ताले आईफोन १७ एयर अझ पातलो हुने आशा गरे पनि ब्याट्री र अन्य कम्पोनेन्टहरू कति पातलो बनाउन सकिन्छ भन्नेमा स्पष्ट रूपमा एक सीमा हुन्छ । यदि यो डिभाइस करिब ६ एमएम मोटाइको साथ आयो भने पछिल्ला केही वर्षमा लन्च भएका भारी मोडेलको तुलनामा यो अझै पनि पातलो र हलुका हुनेछ ।

आईफोन सिक्सदेखि हालसम्म सार्वजनिक भएका आईफोनको चौडाइ

iPhone 16 Pro र Pro Max: 8.25mm

iPhone 16 र 16 Plus: 7.8mm

iPhone 15 Pro र Pro Max: 8.25mm

iPhone 15 र 15 Plus: 7.8mm

iPhone 14 Pro र Pro Max: 7.85mm

iPhone 14 र 14 Plus: 7.8mm

iPhone 13 Pro र Pro Max: 7.65mm

iPhone 13 र 13 Mini: 7.65mm

iPhone 12 Pro र Pro Max: 7.4mm

iPhone 12 र 12 Mini: 7.4mm

iPhone 11 Pro र Pro Max: 8.1mm