close

गायिका रचना रिमालको आग्रह- ‘मेरो नाममा खुलेको नक्कली फेसबुक आईडीलाई रिपोर्ट गरिदिनू’

टेकपाना टेकपाना

चैत २१, २०८१ १६:१७

गायिका रचना रिमालको आग्रह- ‘मेरो नाममा खुलेको नक्कली फेसबुक आईडीलाई रिपोर्ट गरिदिनू’

काठमाडौं । गायिका रचना रिमालले आफ्नो नामको नक्कली फेसबुक पेजसँग नझुक्किन समर्थकलाई आग्रह गरेकी छिन् । बिहीबार सामाजिक सञ्जाल फेसबुकमा एक पोस्ट राख्दै रिमालले नक्कली आईडीलाई रिपोर्ट गरेर साथ अनुरोध गरेकी छन् । 

उनले आफ्नो नाममा खुलेको फेसबुक पेजको जानकारी दिँदै लेखेकी छिन्, “तलको फेसबुक पेज मेरो आधिकारिक फेसबुक अकाउन्ट/पेज होइन । मैले पहिलेबाट नै उहाँ जो हुनुहुन्छ मेसेजमार्फत यस्तो गतिविधि नगर्न आग्रह गरिरहेकी छु । तर त्यसलाई बेवास्ता गर्दै निरन्तर सञ्चालन गरिरहनु भएको छ ।” 

फेक आईडी बनाउने काम गलत भएको भन्दै उनले कानुनी उपचार समेत खोज्ने चेतावनी दिएकी छिन् । 

गायिका रिमालको भेरिफाइड फेसबुक आईडी छ । जसमा ७ लाख ७१ हजारभन्दा बढी फलोअर छन् । यस्तै उनको नाममा खुलेको नक्कली आईडीमा १ लाख २३ हजार भन्दा बढी फलोअर छन् । 

पछिल्लो अध्यावधिक: चैत २१, २०८१ १६:१७