अश्लील सामग्री फैलाएको भन्दै भारतमा उल्लु र एएलटीबालाजी सहित २५ एप तथा वेबसाइट प्रतिबन्ध
साउन ९, २०८२ १३:५९
काठमाडौँ । अश्लील तथा अशिष्ट सामग्रीलाई प्रोत्साहन गरेको भन्दै भारतको केन्द्र सरकारले २५ ओटा मोबाइल एप तथा वेबसाइटमाथि प्रतिबन्ध लगाएको छ । त्यहाँको सूचना तथा प्रसारण मन्त्रालयले उल्लु (Ullu), एएलटीबालाजी (ALTBalaji), बिग सट्स, देशीफ्लिक्स, बुमेक्स, नवरासा लाइट, गुलाब एप लगायतका प्लेटफर्मलाई देशभित्र नचल्ने बनाएको हो ।
मन्त्रालयले यी मोबाइल एप तथा वेबसाइटहरुमाथि तत्काल पहुँचमा प्रतिबन्ध लगाउन मोबाइल अपरेटर र इन्टरनेट सेवा प्रदायकहरुलाई पत्राचार गरेको छ ।
मन्त्रालयका अनुसार यी प्लेटफर्महरूले समाजमा नकारात्मक असर पार्ने खालका अश्लील, अशिष्ट र वयस्क सामग्री (एडल्ट कन्टेन्ट) लाई बढावा दिएकाले यस्तो कदम चालिएको हो ।
मन्त्रालयले यो निर्णयलाई डिजिटल प्लेटफर्महरूको नियमन गर्ने प्रयासको एक हिस्साको रूपमा प्रस्तुत गरेको छ । सूचना प्रविधि नियमहरूको उल्लङ्घन गर्ने तथा आपत्तिजनक सामग्री प्रसारण गर्ने जुनसुकै माध्यममाथि कारबाही गरिने उसले स्पष्ट पारेको छ ।
यसअघि गएको अप्रिलमा भारतको सर्वोच्च अदालतले ओभर-द-टप (ओटीटी) र सामाजिक सञ्जालहरूमा बढ्दो यौनजन्य सामग्री नियन्त्रणका लागि ठोस कदम चाल्न सरकारलाई निर्देशन दिएको थियो । त्यस समयमा अदालतले नेटफ्लिक्स, अमेजन प्राइम, उल्लु, एएलटीबालाजी, एक्स (तत्कालीन ट्वीटर), फेसबुक, इन्स्टाग्राम, युट्युबजस्ता प्रमुख प्लेटफर्महरूलाई समेत सचेत गराउँदै सूचना जारी गरेको थियो । सोही निर्देशनको कार्यान्वयन स्वरूप सरकारले आपत्तिजनक सामग्रीमाथि निगरानी बढाउँदै प्रतिबन्धात्मक कारबाही अघि बढाएको विश्लेषण गरिएको छ ।
भारतले प्रतिबन्ध लगाएका मोबाइल एप तथा वेबसाइट:
-
ALTT
-
ULLU
-
Big Shots App
-
Desiflix
-
Navarasa Lite
-
Hitprime
-
Sol Talkies
-
Wow Entertainment
-
Kangan App
-
Gulab App
-
Boomex
-
Look Entertainment
-
ShowX
-
HotX VIP
-
MoodX
-
NeonX VIP
-
Triflicks
-
Mojflix
-
Feneo
-
Jalva App
-
Bull App
-
Adda TV
-
Hulchul App
-
Fugi
-
ShowHit
-हिन्दुस्तान टाइम्स र टाइम्स नाउ न्युजको सहयोगमा
पछिल्लो अध्यावधिक: साउन ९, २०८२ १३:५९
