यस्ता छन् दसौँ संस्करणको आईसीटी अवार्डका २४ विजेता

पुस ६, २०८२ १८:४५

काठमाडौँ । आईसिटी अवार्डको दसौँ संस्करणको ग्राण्ड फिनाले सम्पन्न भएको छ । विभिन्न विधाका विजेतालाई अवार्ड प्रदान गर्दै ललितपुरको पुल्चोकस्थित द प्लाजामा शुक्रबार उक्त कार्यक्रम आयोजना गरिएको हो ।

लिभिङ विथ आईसीटी र आईसीटी फाउन्डेसन नेपालले संयुक्त रूपमा आयोजना गरेको कार्यक्रममा प्रविधि क्षेत्रमा उत्कृष्ट काम गरिरहेका स्टार्टअप, इनोभेसन, उद्यमी, व्यक्ति तथा संस्थाहरूलाई विभिन्न १७ विधामा अवार्ड प्रदान गरिएको थियो ।

आईसीटी अवार्डका संस्थापक तथा अध्यक्ष राजन लम्सालले देशमै केही गर्न खोजिरहेका र गरिरहेकाहरूलाई खोज्दै, जोड्दै इकोसिस्टम बनाउने प्रयासमा १० वर्षदेखि लागिरहेको जानकारी दिए । सूचना प्रविधि विकासको मुख्य नायक सरकार भएको बताउँदै उनले निजी क्षेत्रलाई अझ प्रोत्साहन आवश्यक रहेकोमा जोड दिए ।

आईसीटी अवार्डको आयोजक संस्था लिभिङ विथ आइसीटी अन्तर्राष्ट्रिय अवार्डहरू अरोरा टेक अवार्ड, अन्डरडग अवार्ड र डब्लूएसए अवार्डको नेपालका लागि साझेदार संस्था समेत हो । यी अवार्डका लागि विजेता तथा फाइनलिस्टहरूलाई अन्तर्राष्ट्रिय प्रतिस्पर्धामा सहभागी हुने अवसर प्राप्त हुनेछ, जसमध्ये केहीले अन्तरराष्ट्रिय अवार्ड समेत जितिसकेका छन् ।

विजेताहरूलाई टिगको तर्फ सफ्टवेयरको लाइसेन्स, आईटी ग्लोबलबाट ५ हजार अमेरिकी डलर बराबरको एडब्लुएस क्रेडिट र स्टुडियो होमको तर्फबाट आकर्षक गिफ्ट प्रदान गरिएको थियो । राइजिङ स्टार इनोभेसन विधाका विजेतलाई सनवे कलेजले एआई छात्रवृत्ति समेत प्रदान गरेको छ ।

७५० बढीको अनलाइन नोमिनेसन प्राप्त भएको अवार्डमा १८ जुरी सदस्य र १६ सल्लाहकार समितिले ४ महिनाको समयमा छनौट प्रक्रिया सम्पन्न गरेका थिए । कार्यक्रममा नेपाल सहित नेपाल बाहिर विभिन्न देशका स्टार्टअपहरुको पनि सहभागिता रहेको थियो ।

यस्ता छन् यस वर्षका आईसिटी अवार्ड विजेता

१. इन्ड्राइभ स्टार्टअप आईसिटी अवार्ड: आर्कबो टेक्नोलोजीज प्रालि

२. प्रडक्ट आइसिटी अवार्ड: क्विकसीसीए

३. राइजिङ स्टार आइसिटी अवार्ड: माइण्डब्रिज

४. सोसल इन्नोभेसन आइसिटी अवार्डः कताहो

५. हाम्रो पे पब्लिक च्वाइस आइसिटी अवार्ड: ट्रिप टर्बो प्रालि

६. जुरी मेन्सन आइसिटी अवार्डः वायुदृष्टि

७. वुमन आइकन आइसिटी अवार्ड: मुन्नी राजभण्डारी

८. पायोनियर आइसिटी अवार्ड: डा. एलेन बौलोचन तुलाधर

९. आन्टरप्रेनर आइसिटी अवार्ड: विभुषण विष्ट

१०. नेपाली डायस्पोरा आइसिटी अवार्ड: दिनेश सिलवाल

११. प्रोफेसनल एक्सिलेन्स आइसिटी अवार्डः रामकृष्ण परियार