ह्वाट्सएपमा यसरी इनेबल र डिसेबल गर्नुहोस् डार्कमोड

काठमाडौं । ह्वाट्सएपले केही दिनको अन्तरालमा आफ्ना प्रयोगकर्ताका लागि नयाँ(नयाँ फिचर सार्वजनिक गर्दै आएको छ । त्यसै अनुरुप कम्पनीले बहुप्रतिक्षित डार्क मोड आफ्नो एन्ड्रोइड, आईओएस र वेब एपका लागि सार्वजनिक गर्‍यो ।

वर्क फ्रम होम तथा अनलाइन क्लासको संस्कृति अपनाइरहेको अहिलेको समयमा प्रयोगकर्ताको स्क्रिनमा बिताउने समय पनि बढेको छ । यस्तोमा आँखाको आरामका लागि डार्कमोड एक राम्रो विकल्प मानिएको छ ।

आज हामी तपाईंलाई ह्वाट्सएपमा डार्कमोड इनेबल र डिसेबल कसरी गर्ने भन्ने बारेमा बताउँदै छौं ।

यसरी गर्नुहोस् इनेबल वा डिसेबल

• सुरुमा ह्वाट्सएप खोल्नुहोस् र दायाँ कुनामा सर्च अप्सनसँगै रहेको तीन वटा थोप्लामा ट्याप गर्नुहोस् ।
• अब ड्रप डाउन मेनुमा गएर सेटिङमा दबाउनुहोस् ।
• त्यसपछि च्याट अप्सनमा ट्याप गर्नुहोस् र डिस्प्ले मेनुमा जानुहोस् ।
• यति गरिसकेपछि थिम अप्सनमा थिच्नुहोस् र डार्कमोड इनेबल गर्नका लागि डार्क अप्सनलाई छान्नुहोस् ।
• यसैगरी डार्कमोड डिसेबल गर्न लाइट अप्सनमा क्लिक गर्नुहोस् ।
• डार्क मोड अटोमेटिक रुपमा इनेबल र डिसेबल हुने फिचर समेत यसमा रहेको छ ।
• त्यसका लागि सिस्टम डिफल्टमा ट्याप गर्नुहोस् । यसो गर्दा तपाईंले फोनमा डार्क मोड एक्टिभ गर्दा ह्वाट्सएप समेत स्वतः डार्कमोडमा नै काम गर्नेछ ।

ह्वाट्स एप वेबमा के गर्ने ?

• यसका लागि आफ्नो ब्राउजरमा गएर यहाँ क्लिक गर्नुहोस् ।
• अब आफ्नो अकाउन्ट ओपन गर्न तथा सिंक गर्नका लागि आफ्नो एन्ड्रोइड तथा आईओएसबाट क्यूआर कोडमार्फत स्क्यान गर्नुहोस् ।
• अकाउन्ट सिंक गरेपछि कन्ट्याक्ट विन्डोको दायाँ कुनामा रहेको तीन वटा थोप्लोमा क्लिक गर्नुहोस् ।
• अब ड्रप डाउन मेनुमा रहेको सेटिङमा क्लिक गरेर थिम्समा जानुहोस् ।
• थिम्समा क्लिक गरेपछि डार्क मोड इनेबल गर्नका लागि डार्क अप्सन सेलेक्ट गर्नुहोस् ।
• यसमा डार्क मोड डिसेबल गर्नका लागि लाइट अप्सन सेलेक्ट गर्न सक्नुहुनेछ ।

पछिल्लो अध्यावधिक: असोज २, २०७९ २२:३४

टिप्पणीहरू