विशाल र केशवले पाए दोब्बर रकम
असोज १२, २०७८ ७:५२
काठमाडौं । आईएमई समूहले सञ्चालन गरेको ‘आईएमई डबलको डबलको डबल’ योजनामा पहिलो साताको दुई विजेता सार्वजनिक गरेको छ ।
लक्की ड्रमार्फत छानिएका दुई विजेतामा केशन दमाई र विशाल अधिकारी छन् । उनीहरूले क्रमश: यूएई र कतारबाट नेपालमा रकम पठाएका थिए ।
आईएमईले विजेताका परिवारलाई क्रमश: ८३ हजार १४ र ९६ हजार ४० रुपैयाँ रकम उपहार प्रदान गर्ने जनाएको छ ।
यो योजना असोज १ देखि कात्तिक २६ सम्म लागू हुने आईएमई ग्रुपले जानकारी दिएको छ ।
यो योजनाअनुसार विदेशबाट पठाएको रकम आईएमईका एजेन्ट र आईएमई पे मोबाइल वालेटमा प्राप्त गर्दा वा बैंक ट्रान्सफर गर्दा डबल पाइनेछ ।
योजनाअनुसार हरेक साता दुई जनालाई पठाएको रकमको डबल, हरेक महिना दुई जनाले डबलको डबल र बम्परमा एक जनाले डबलको डबलको डबलसम्म रकम पुरस्कारस्वरूप पाउने जनाइएकाे छ ।
पछिल्लो अध्यावधिक: असोज २, २०७९ २२:३१
